Sige Simula

Sige simula 'tong bating panimula
Walang ginamit na tinta boses ko ang paglagda
Patunay may di naisulat na itinakda
Kaya sa oras marinig mo to di na 'ko isang banta

Ito'y pagsilang ng mga tulang
Buburahin ang bulaang propetang dumudura ng itim
Gusto lang maangkain ang panandaliang kayamanan
Pero di kayang gawin ang maging

Supremo sa duelo, wala ng papremyo
Di naakit sa pabuya 'pagkat utak nakasentro
Sa walang kapantay, di pinaubaya sa itaas
Kundi siya lang nagsilbing gabay para maging si itaas

Ang ako, hari ng mundo
Yan ang titulo ng unang berso aking binuo
At yun ang nagsilbing senyales na kayo'y makikinig
Na bawat salita mahalaga parang huling sandali

Parang huling sandali
Pero di kailangan na ako'y magmadali
Dahil walang panahon para sa pagkakamali
Bawat tsansa ay pag-asang matamasang magwagi

Kaya ngayon, paa'y di nakabaon
Sa hukay, nasa tunay na 'kong destinasyon
Di na malimita ng kahit anong limitasyon
Ito'y sugod pasulong na para bang rebolusyon

Dominasyon
Heneral ng aking henerasyon
Di na matibag aking dedikasyon
Kung tingin mo mayabang problema mo na yun

At sa isang paraan
Lahat ng harang sa daan kaya ng laktwawan
Dahil bawat obrang nilikha ay daragdagan
Ng buhay, matuturi mo 'tong aking kaarawan

Sige simula
Sige simula, sige simula, sige simula
Sige simula, sige simula, sige simula
Sige simula, sige simula, sige simula
Sige simula, sige simula, sige simula