Nun te scurdà

[Testo di "Nun te scurdà"]

[Strofa 1]
'E ssentevo quanno ero figliola, 'o chiammavano ammore
Chellu fuoco ca te nasce 'mpietto e ca maje se ne more
'E ccumpagne parlavano zitte 'e 'sta cosa scurnosa
Ca na femmena 'a fa sulamente 'o mumento ca sposa
E pure si sposa nun songo stata maje
Saccio comme volle 'o sanghe e 'o core sbatte forte assaje
Quanno 'a voce d''a passione chiamma a te
Quanno zitto 'int'a na recchia tu te siente 'e murmuliá

[Ritornello]
Nun te scurdá, nun te scurdá
Nun te scurdá pecché 'sta vita se ne va
Nun te scurdá maje 'e te
Nun te scurdá, nun te scurdá
Nun te scurdá pecché si no che campe a fá
Nun te scurdá 'e te maje

[Strofa 2]
È tanto ll'ammore ca 'a ciorta m'ha mmiso 'int'ê mmane
Ca 'o vvengo e 'a ggente pe chesto me chiamma "puttana"
Nun aggio maje saputo stá carcerata 'int'â casa
E n'ommo che capeva chesto nun l'aggio truvato
A chi me schifa dico vuó vedé
Ca 'o cuorpo tu t''o vinne comme a mme
Nun me suppuorte e chest''o saccio già
I' songo 'o specchio addò nun te vulisse maje guardá

[Ritornello]
Nun te scurdá, nun te scurdá
Nun te scurdá pecché si no che campe a fá
Nun te scurdá' 'e te, maje

[Strofa 3]
Mamma, puttana o brutta copia 'e n'ommo
Chest'è na femmena 'int'a chesta parte 'e munno
Ca quanno nasce a chesto è destinata
E si 'a cummanna 'o core, dâ ggente è cundannata
Mamma, puttana o brutta copia 'e n'ommo
Avesse voluto 'e cchiù 'int'a chesta parte 'e munno
Apprezzata no p''e mascule sgravate, no p''e chisto
Cuorpo bello, no p''e mazzate che aggio dato
Sulamente pecché femmena so' stata
E nu catenaccio 'o core nun me l'aggio maje 'nzerrato
Sulamente pecché femmena so' stata
Sulamente femmena

[Ritornello]
Nun te scurdá, nun te scurdá
Nun te scurdá pecché 'sta vita se ne va
Nun te scurdá maje 'e te
Nun te scurdá, nun te scurdá
Nun te scurdá pecché si no che campe a fá
Nun te scurdá 'e te maje

[Outro]
No, nun t''o scurdà
Nun t''o scurdà, no, maje
Nun t''o scurdà, nun t''o scurdà
Nun t''o scurdà, no, maje