XXIII. ad Furium

Catullus * Track #20 On Poems and Fragments of Catullus (Latin text)

Download "XXIII. ad Furium"

Album Poems and Fragments of Catullus (Latin text)

ALBUM

Catullus

2014

XXIII. ad Furium by Catullus

Performed by

Catullus

XXIII. ad Furium Annotated

Furi cui neque servus est neque arca
nec cimex neque araneus neque ignis,
verum est et pater et noverca, quorum
dentes vel silicem comesse possunt,
est pulcre tibi cum tuo parente
et cum coniuge lignea parentis.
nec mirum: bene nam valetis omnes,
pulcre concoquitis, nihil timetis,
non incendia, non graves rvinas,
non facta impia, non dolos veneni,
non casus alios periculorum.
atque corpora sicciora cornu
aut siquid magis aridum est habetis
sole et frigore et esuritione.
quare non tibi sit bene ac beate?
a te sudor abest, abest saliva,
mucusque et mala pituita nasi.
hanc ad munditiem adde mundiorem,
quod culus tibi purior salillo est,
nec toto decies cacas in anno;
atque id durius est faba et lapillis.
quod tu si manibus teras fricesque,
non umquam digitum inquinare posses
haec tu commoda tam beata, Furi,
noli spernere nec putare parvi,
et sestertia quae soles precari
centum desine: nam sat es beatus.

Your Gateway to High-Quality MP3, FLAC and Lyrics

― DownloadMP3FLAC.com ―

Support: [email protected]