To The Weavers Gin Ye Go

Robert Burns * Track #164 On Poems And Songs Of Robert Burns

Download "To The Weavers Gin Ye Go"

Album Poems And Songs Of Robert Burns

ALBUM

Robert Burns

To The Weavers Gin Ye Go by Robert Burns

Performed by

Robert Burns

To The Weavers Gin Ye Go Annotated

My heart was ance as blithe and free
As simmer days were lang;
But a bonie, westlin weaver lad
Has gart me change my sang.

Chorus.—To the weaver's gin ye go, fair maids,
To the weaver's gin ye go;
I rede you right, gang ne'er at night,
To the weaver's gin ye go.

My mither sent me to the town,
To warp a plaiden wab;
But the weary, weary warpin o't
Has gart me sigh and sab.
To the weaver's, &c.

A bonie, westlin weaver lad
Sat working at his loom;
He took my heart as wi' a net,
In every knot and thrum.
To the weaver's, &c.

I sat beside my warpin-wheel,
And aye I ca'd it roun';
But every shot and evey knock,
My heart it gae a stoun.
To the weaver's, &c.

The moon was sinking in the west,
Wi' visage pale and wan,
As my bonie, westlin weaver lad
Convoy'd me thro' the glen.
To the weaver's, &c.

But what was said, or what was done,
Shame fa' me gin I tell;
But Oh! I fear the kintra soon
Will ken as weel's myself!
To the weaver's, &c.

Your Gateway to High-Quality MP3, FLAC and Lyrics

― DownloadMP3FLAC.com ―

Support: [email protected]