A Man’s A Man For A’ That

Robert Burns * Track #451 On Poems And Songs Of Robert Burns

Download "A Man’s A Man For A’ That"

Album Poems And Songs Of Robert Burns

ALBUM

Robert Burns

A Man's A Man For A' That by Robert Burns

Performed by

Robert Burns

About

This is one of the most popular of Burns' poems, often performed at community celebrations. The seductive rhythms and the universality of the message encourage audiences to join in. As always Burns' poetry is expressive and accessible, the dialect words easy for those unfamiliar with them to guess...

A Man’s A Man For A’ That Annotated

Tune—"For a' that."

Is there for honest Poverty
That hings his head, an' a' that;
The coward slave—we pass him by,
We dare be poor for a' that!
For a' that, an' a' that.
Our toils obscure an' a' that,
The rank is but the guinea's stamp,
The Man's the gowd for a' that.

What though on hamely fare we dine,
Wear hoddin grey, an' a that;
Gie fools their silks, and knaves their wine;
A Man's a Man for a' that:
For a' that, and a' that,
Their tinsel show, an' a' that;
The honest man, tho' e'er sae poor,
Is king o' men for a' that.

Ye see yon birkie, ca'd a lord,
Wha struts, an' stares, an' a' that;
Tho' hundreds worship at his word,
He's but a coof for a' that:
For a' that, an' a' that,
His ribband, star, an' a' that:
The man o' independent mind
He looks an' laughs at a' that.

A prince can mak a belted knight,
A marquis, duke, an' a' that;
But an honest man's abon his might,
Gude faith, he maunna fa' that!
For a' that, an' a' that,
Their dignities an' a' that;
The pith o' sense, an' pride o' worth,
Are higher rank than a' that.

Then let us pray that come it may,
(As come it will for a' that,)
That Sense and Worth, o'er a' the earth,
Shall bear the gree, an' a' that.
For a' that, an' a' that,
It's coming yet for a' that,
That Man to Man, the world o'er,
Shall brothers be for a' that.

Your Gateway to High-Quality MP3, FLAC and Lyrics

― DownloadMP3FLAC.com ―

Support: [email protected]