Song—Rantin’, Rovin’ Robin^1

Robert Burns * Track #63 On Poems And Songs Of Robert Burns

Download "Song—Rantin’, Rovin’ Robin^1"

Album Poems And Songs Of Robert Burns

ALBUM

Robert Burns

Song—Rantin', Rovin' Robin^1 by Robert Burns

Performed by

Robert Burns

Song—Rantin’, Rovin’ Robin^1 Annotated

There was a lad was born in Kyle,
But whatna day o' whatna style,
I doubt it's hardly worth the while
To be sae nice wi' Robin.

Chor.—Robin was a rovin' boy,
Rantin', rovin', rantin', rovin',
Robin was a rovin' boy,
Rantin', rovin', Robin!

Our monarch's hindmost year but ane
Was five-and-twenty days begun^2,
'Twas then a blast o' Janwar' win'
Blew hansel in on Robin.
Robin was, &c.

The gossip keekit in his loof,
Quo' scho, "Wha lives will see the proof,
This waly boy will be nae coof:
I think we'll ca' him Robin."
Robin was, &c.

"He'll hae misfortunes great an' sma',
But aye a heart aboon them a',
He'll be a credit till us a'—
We'll a' be proud o' Robin."
Robin was, &c.

"But sure as three times three mak nine,
I see by ilka score and line,
This chap will dearly like our kin',
So leeze me on thee! Robin."
Robin was, &c.

"Guid faith," quo', scho, "I doubt you gar
The bonie lasses lie aspar;
But twenty fauts ye may hae waur
So blessins on thee! Robin."
Robin was, &c.

[Footnote 1: Not published by Burns.]

[Footnote 2: January 25, 1759, the date of my
bardship's vital existence.—R.B.]

Your Gateway to High-Quality MP3, FLAC and Lyrics

― DownloadMP3FLAC.com ―

Support: [email protected]