Sic A Wife As Willie Had

Robert Burns * Track #322 On Poems And Songs Of Robert Burns

The music player is only available for users with at least 1,000 points.

Download "Sic A Wife As Willie Had"

Album Poems And Songs Of Robert Burns

ALBUM

Robert Burns

Sic A Wife As Willie Had by Robert Burns

Performed by

Robert Burns

Sic A Wife As Willie Had Annotated

Willie Wastle dwalt on Tweed,
The spot they ca'd it Linkumdoddie;
Willie was a wabster gude,
Could stown a clue wi' ony body:
He had a wife was dour and din,
O Tinkler Maidgie was her mither;
Sic a wife as Willie had,
I wad na gie a button for her!

She has an e'e, she has but ane,
The cat has twa the very colour;
Five rusty teeth, forbye a stump,
A clapper tongue wad deave a miller:
A whiskin beard about her mou',
Her nose and chin they threaten ither;
Sic a wife as Willie had,
I wadna gie a button for her!

She's bow-hough'd, she's hein-shin'd,
Ae limpin leg a hand-breed shorter;
She's twisted right, she's twisted left,
To balance fair in ilka quarter:
She has a lump upon her breast,
The twin o' that upon her shouther;
Sic a wife as Willie had,
I wadna gie a button for her!

Auld baudrons by the ingle sits,
An' wi' her loof her face a-washin;
But Willie's wife is nae sae trig,
She dights her grunzie wi' a hushion;
Her walie nieves like midden-creels,
Her face wad fyle the Logan Water;
Sic a wife as Willie had,
I wadna gie a button for her!

Your Gateway to High-Quality MP3, FLAC and Lyrics

― DownloadMP3FLAC.com ―

Support: [email protected]