A Poet’s Welcome To His Love-Begotten Daughter^1

Robert Burns * Track #39 On Poems And Songs Of Robert Burns

Download "A Poet’s Welcome To His Love-Begotten Daughter^1"

Album Poems And Songs Of Robert Burns

ALBUM

Robert Burns

A Poet's Welcome To His Love-Begotten Daughter^1 by Robert Burns

Performed by

Robert Burns

About

The poem was written in 1785 on the occasion of the birth of Burns’ daughter, the product of a relationship with Betty Paton, a local servant girl for which he was convicted of fornication and punished by fine.

The child was raised by the poet’s mother and he paid for her upbringing.This poem, unli...

A Poet’s Welcome To His Love-Begotten Daughter^1 Annotated

The First Instance That Entitled Him To
The Venerable Appellation Of Father

Thou's welcome, wean; mishanter fa' me,
If thoughts o' thee, or yet thy mamie,
Shall ever daunton me or awe me,
My bonie lady,
Or if I blush when thou shalt ca' me
Tyta or daddie.

Tho' now they ca' me fornicator,
An' tease my name in kintry clatter,
The mair they talk, I'm kent the better,
E'en let them clash;
An auld wife's tongue's a feckless matter
To gie ane fash.

Welcome! my bonie, sweet, wee dochter,
Tho' ye come here a wee unsought for,
And tho' your comin' I hae fought for,
Baith kirk and queir;
Yet, by my faith, ye're no unwrought for,
That I shall swear!

Wee image o' my bonie Betty,
As fatherly I kiss and daut thee,
As dear, and near my heart I set thee
Wi' as gude will
As a' the priests had seen me get thee
That's out o' hell.

Sweet fruit o' mony a merry dint,
My funny toil is now a' tint,
Sin' thou came to the warl' asklent,
Which fools may scoff at;
In my last plack thy part's be in't
The better ha'f o't.

Tho' I should be the waur bestead,
Thou's be as braw and bienly clad,
And thy young years as nicely bred
Wi' education,
As ony brat o' wedlock's bed,
In a' thy station.

Lord grant that thou may aye inherit
Thy mither's person, grace, an' merit,
An' thy poor, worthless daddy's spirit,
Without his failins,
'Twill please me mair to see thee heir it,
Than stockit mailens.

For if thou be what I wad hae thee,
And tak the counsel I shall gie thee,
I'll never rue my trouble wi' thee,
The cost nor shame o't,
But be a loving father to thee,
And brag the name o't.

[Footnote 1: Burns never published this poem.]

Your Gateway to High-Quality MP3, FLAC and Lyrics

― DownloadMP3FLAC.com ―

Support: [email protected]