Algleymi svart

Hvert fer maðurinn eftir ósigur sinn?
- Inn í ríki þeirra heiladauðu
Þar englar ganga sjálfala út og inn
Í myrkri lýsa augun rauðu
Dýrið brosir, berar tennurnar
Örskotsstund sérðu hendurnar
Síðan algleymið svart

Hvert fer maðurinn eftir ósigur sinn?
- Inn í kirkjuhúsin auðu
Þar sem homminn ber krossinn minn
Og við altar lýsa augun rauðu
Það er hvíslað þetta er bikarinn
Þú sjálfur ert svikarinn
Síðan algleymið svart

Hvert fer maðurinn eftir ósigur sinn?
- Inn í myrkrið burt frá Guði
Er það ekki eini tilgangurinn
Að vera í stanslausu stuði?
- Rúinn mennskunni móður og sár
Það tók hann ekki svo mörg ár
Hverfa í algleymið svart