14

[Bənd 1]
Biz nəyin axtarışındayıq görən?
Bu illər nə öyrədir və ya nələr alır bizdən?
Uşaqlıq oyunlarımız oyunlardan reala dönür
İndi həyat məcbur edir, deşik axtar qaç-gizlən!
Nə qalacaq bizdən? Nə? İzlər?!

Ya da özünə qapanıb içini boşalda bilməyən sözlər?
Mən 11 ildir qələmə dostam
Və 11 ildir boşdur poçtam
Yazıram, cavab gəlmir
Mən axtarışdayam
Hər qarışda onu tapacağımdan əmin idim

Amma yaş keçdikcə ümidim itir
Labirintlərin ortasındayam
Sözüm iti gündən-günə faydası nə?
Öyrədin qaydasını
Bəlkə həyat adlanan komediyada mən də rol aldım

[Skit]
Alo, Mete... Hardasan axı, sən?
Nə vaxta kimi qaçacaqsan?

[Nəqərat]
Qaçacam özümdən də
Gizlənəcəm o ağacın kolgəsində
O ağacı özüm əkmişəm
Ya da çəkmişəm
Sonra silmişəm

Siz həyatı ciddiyə aldıqca
Mən oyun bilmişəm
İkiləşmişəm
Bir tərəfim bağçaya gedəndə
Bir tərəfim gedib işə
Mən ən çox özümə gülmüşəm

[Bənd 2]
İllərin qazandırdığı qırışlardır
Başqa heç nə!
Olmur bu zolaqları
Qırışlarsız keçmək
Hər dəfə çətinliyə düşdükcə fikirləşirsən köçmək
Amma nə dəyişəcək ki, bu köçlə?
Qaça biləcəksənmi əsas köçdən?

Həyat çapar, biz köhlən
Gündən günə köhnəl və köhnəl
Qədir ağacının meyvəsini yeyir kimlər ki
Sən də ümid edirsən
Yenə nə yığışmısan
Sən yenə hara gedirsən?

[Nəqərat]
Qaçacam özümdən də
Gizlənəcəm o ağacın kolgəsində
O ağacı özüm əkmişəm
Ya da çəkmişəm
Sonra silmişəm

Siz həyatı ciddiyə aldıqca
Mən oyun bilmişəm
İkiləşmişəm
Bir tərəfim bağçaya gedəndə
Bir tərəfim gedib işə
Mən ən çox özümə gülmüşəm

[Skit]
Bizim həyatımıza ən çox təsir edən iki şey var
Ya olmalı hadisələrin olmaması
Ya da olmamalı hadisələrin olması