問我 (Asking Me) (Live at MacPherson Stadium 2016)

[黃耀明「問我 (Live)」的歌詞]

[主歌]
問我歡呼聲有幾多 問我悲哭聲有幾多
我如何能夠一一去數清楚
問我點解會高興 究竟點解會苦楚
我笑住回答
講一聲 我係我

[讀白]
[區家麟] 我希望有一日如果香港要死嘅話，死得有尊嚴啲啦。
[林日曦] 呢幾年我發覺呢，越嚟越多心境年輕嘅人呢，佢開始打翻開個電視，收睇翻香港呢套連續劇。
[李玉蓮] 可以打爛一間機構，可以買一間公司，但係如果每個人係真係有自己嘅力量嘅話呢，你唔可以一個個人去打死佢㗎。
[何秀蘭] 為時未晚，有好大片嘅空白可以由我哋自己填上，因為香港有好多人重係熱愛自由。
[謝志峰] 做翻自己嘅本份，用一種民主文明嘅生活方式，去感動你周邊嘅人。
[周耀輝] 我話畀我哋自己知我要留低喺呢個地方，我盡量做好佢，盡量講一啲我自己想講嘅説話。我諗噉樣做就係我慢慢慢慢走去十面最好嘅方法。
[關穎怡] 香港梗係唔抵死啦，有我哋呢啲人。香港唔好死，香港唔會死㗎其實。
[河國榮] 如果上邊啲人欸，對我哋香港唔係咁好啊，噉唯有係我哋對香港更加好囉。
[何式凝] 大家都唔好再淨係做翻以前，或者一直做緊嘅嘢。我哋一定要跳出自己慣常嘅生活，跳出我哋自己一向所知道嘅事情嘅框框，我哋一定要噉樣行出嚟囉。
[梁天琦] 參與政治，參與社會運動，改變香港嘅政治生態，希望令到香港有一個新嘅出路。
[黎汶洛] 未來十年裡邊推動香港有公投，而係希望達到香港人有自決命運嘅空間。
[楊岳橋] 我希望十年後嘅香港重有亞視睇，唔係因為我鍾意佢，而係因為你同我都繼續有得選擇。電視冇得揀，其實同我哋嘅生活冇得揀，一樣咁坎坷。
[劉小麗] 香港人係時候去過翻自己嘅生活，由下而上噉樣去改變呢一種暴政。
[黃之鋒] 香港重有得救，因為我哋重有卅啊一年時間先到到二〇四七嘅大限。最樂觀嘅心態，最壞嘅打算，盡我嘅能力去守護呢一個我成長、我長大，我所愛嘅香港。
[朱凱迪] 啫係——人係繼續有喺度，做忠於呢個自己啦，同埋忠於呢個城市嘅啊——講呢個城市嘅故仔啦。
[黃耀明] 多謝呢一班香港人，多謝你哋今日嚟咗呢度。「願我一生去到終結 無論歷盡幾許風波」，「我仍然能夠 講一聲 我係我」。

[副歌]
無論我有百般對 或者千般錯
全心去承受結果
面對世界一切 那怕會如何
全心保存真的我

[結局]
問我得失有幾多 其實得失不必清楚
我但求能夠一一去數清楚
願我一生去到終結 無論歷盡幾許風波
我仍然能夠
講一聲 我係我
笑住回答
講一聲 我係我

[讀白]
多謝，多謝，多謝曬，多謝。我哋請我哋啲 musician 一齊出嚟好唔好啊？*觀眾拍手* 可唔可以畀最大最大嘅掌聲，我哋香港嘅音樂人？*觀眾拍手* 多謝。*觀眾歡呼* 多謝！快啲趕翻屋企睇最後嘅一刻啦，拜拜！*觀眾歡呼*