今日死真D (Gam1 Jat6 Sei2 Zan1 D) (I) (Live at MacPherson Stadium 2016)

[游學修「今日死真D (I) (Live)」的歌詞]

[讀白: 游學修]
今日係二〇一六年四月一號，晚上八點幾。距離我正式收檔重有幾個鐘，係咪啊？唔知啊，話唔埋㗎嘛，拍呢條片嘅時候都未知。你知啦，我呢個人呢，我一日唔斷氣呢，我一日都有機會吊住自己條命㗎。就算我斷咗氣呢，我都可以自己幫自己做心外壓救翻自己㗎。就算醫生宣佈certified啦，你葬咗我啦，我都可以喺個棺材到爬翻出嚟。你火花我呢，我就揾人鬼上身。我係不死㗎！我係永恆㗎！我就係亞洲電視ATV！*觀眾歡呼*
你笑咩啊？你幾多歲啊？九十後呀？你有冇聽過黃耀明啊？黃耀明啊唔係黃百鳴啊。不過你太後生啦，唉專心啲讀好啲書，唔好上街搞搞震喇，知唔知啊？對你呢一輩嚟講呢，亞視可能係一個笑話，掟壽包啊、咒江澤民去死啊、重播噉樣。阿叔話你知呀，當年啊，一九五七年五月廿九號啊，亞視當時叫麗的映聲開台，月費廿五蚊。租部電視機呢，四呀五蚊，七兜嘢。喂七兜嘢唔係你而家噉樣七兜嘢喎！打工仔當年呢，揾到一嚿水一個月呢已經好好㗎啦。你去人哋屋企睇電視啊？重要畀錢人添啊！你估好似你而家噉啊，你行出街渣部電話隨手撳有得睇啊？全港第一間電視台啊！想睇都冇得睇啊！足足十年囉，十年之後先有TVB。之後？之後……之後冇咁威囉之後，喂噉無綫免費吖嘛，免費梗係多人睇啲㗎啦。我哋係遲咗啲囉，我哋七三年先搞免費電視，噉冇我哋TVB有咁好睇咩？當年個個都睇亞視㗎，當年真係……