關於黎小田與盧國沾 (About Michael Lai and Jimmy Lo) (Live at MacPherson Stadium 2016)

[黃耀明「關於黎小田與盧國沾 (Live at MacPherson Stadium 2016)」歌詞]

[讀白: 黃耀明, 黎小田]
你哋好嗎？欸，一個好——好特別嘅 weekend 啊吓。啫係香港人經歷咗我哋歷史文化好重要嘅一部分，卒之被消失咗。然後呢個 weekend 有好多人啊，想睇戲，原來唔係去戲院睇，係喺街睇嘅。 *觀眾拍手* 香港真係越嚟越有趣，所以我哋一定要留喺度，見證住香港會變成點。啊其實今晚嘅——做呢個演出嘅初衷呢，其實只係為咗音樂。因為啊，我覺得我哋有呢一個嘅責任呢去——去將香港好好嘅一啲嘅 heritage 吓，一啲嘅傳統啦，一啲好好嘅珍貴嘅嘢呢，係記低落嚟。欸，但係我覺得好似冇乜人好有——好有系統地做呢件事。噉既然嗰啲有——有 resources 有權利嘅人佢哋唔做——有權力嘅人佢哋唔做，噉我哋——我哋自己做啦！吓，噉所以啊，*觀眾拍手* 做完顧嘉煇嘅 tribute 之後呢，我其實一路個心裡邊呢，都係好想做umm，黎小田啦。*觀眾歡呼* 我唔知佢有冇嚟到呢？喺邊度啊？嘩！嘩你喺第一行！你要唔要上嚟同我哋講幾句説話啊？你唔上嚟呀？你唔上嚟我落嚟㗎啦喎！*笑聲* *觀眾繼續歡呼* 多謝明哥！大家畀多啲掌聲黎小田先生好唔好啊？(多謝多謝，多謝多謝多謝，多謝。) 係佢寫咗咁多咁好嘅歌畀香港。係今日，今日用一個唔同嘅表達方式咋嘛。係啊。我又覺得好好過癮喎。多謝多謝，(真係真係。) 好多謝你。希望你欣賞。多謝。OK, thank you, thank you. (多謝你，thank you) *觀眾拍手*
今日呢本來啊，盧國沾先生呢都準備嚟嘅。但係因為真係佢身體抱恙呢，欸，佢嘅家人代表咗，佢嘅家人喺度呢。係佢嘅囡囡喺度啊。多謝你吓，因為我今日大部分唱嘅歌呢，其實都係黎小田同埋欸，盧國沾寫嘅。*拍手* OK，以下呢幾首歌，我哋不談政治，只談風月。*觀眾歡呼*