Spartenza amara

[Testo di "Spartenza amara"]

Oh, chi spartenza dulurusa e amara
Chianginu puru li petri di la via
Chianginu l'occhi mei, fannu funtana
Chianginu ca si spartunu di tia

La navi 'ntra lu portu si pripara
Aspetta la partenza ura pi ura
Cu li lacrimi toi la navi vara
Cu li suspiri mei si aspetta 'n'ura

'Mèrica, ca ti viju arsa di focu
Comu lu focu fai addumari a mia
Iu partu, e lassu 'stu filici locu
Ma lu me cori resta cca cu tia

Partu, ca su' costrittu di partiri
Ca nun la pozzu cchiù 'sta vita fari
Li chianti, li lamenti e li suspiri
'Un mi fannu di vui licenziari

'Mèrica, ca ti viju arsa di focu
Comu lu focu fai addumari a mia
Iu partu, e lassu 'stu filici locu
Ma lu me cori resta cca cu tia

Iu partu ma però 'sta vita mia
Si parti e si ndi vaci a la strania
O mamma, binidìcimi li panni
Ca staju partennu di li toi cumanni
O mamma, binidìcimi li panni
Ca staju partennu di li toi cumanni

'Mèrica, ca ti viju arsa di focu
Comu lu focu fai addumari a mia
Iu partu e lassu 'stu filici locu
Ma lu me cori resta cca cu tia