Rosa canta e cunta

[Testo di "Rosa canta e cunta"]

Stasira vaju e curru cu lu ventu
A grapiri li porti di la storia
Stasira vogliu dari p'un mumentu
La vita a lu passatu e a la memoria
Stasira cu la vampa di l'amuri
Scavu 'na fossa, 'na fossa a lu duluri
Cc'è cchiù duluri, cc'è cchiù turmentu
Ca gioia e amuri pi l'umanità
Nun è lu chiantu ca cancia lu distinu
Nun è lu scantu ca ferma lu caminu

[Ritornello]
Grapu li pugna, cuntu li jita
Restu cu' sugnu, scurru la vita
Cantu e cuntu, cuntu e cantu
Pi nun perdiri lu cuntu

Nuddu binidicìu lu me caminu
Mancu la manu nica d'un parrinu
E vaju ancora comu va lu ventu
'Ncerca di paci sulu p'un mumentu
Vogliu spaccari, spaccari li cieli
Pi fari chioviri, chioviri amuri
Cc'è cu' t’inganna, cc'è cu' cumanna
E cu' 'nsilenziu mutu si nni sta
È lu putiri ca afforza li putenti
È lu silenziu c'ammazza li 'nnuccenti

[Ritornello]

Vinni a 'stu munnu quannu lu voscienza
Si schifiava pi li strati strati
Tempi d'abusi, di fami e di guerra
Criscivu 'nmenzu di li malannati
Lacrimi muti nni chiancivu, e quanti!
La me 'nnuccenza si la sparteru 'ntanti
La malagenti, li priputenti
Tanti, su' tanti ni 'sta sucità
Nun è l'amuri ca crisci ad ogni banna
Ma lu favuri ca sparti cu' cumanna

[Ritornello]

La ra la la la la
La ra la la la la
La ra la la