SANAY

Kakaiba, natatakot ka kasi kakaiba
Hindi mapakali, kaba-kaba
Banta sa mga nasanay sa pare-parehong pormahan
Pare-parehong galawan
Sinasara ang iyong isipan sa paglawak ng karanasan

(Bakit? Bakit?)

Bakit mo kailangan na kami'y maliitin?
Ikaw itong hindi marunong umintindi
Pumayag ka ngang ikulong ang iyong sarili (ugh)
Sa kahon na tinatawag mong tunay ngayon
Puro kayo nalang nandoon, nag bago na ang panahon
Kami ay umaahon sa daloy na inyong makalumang ahon

Ito ang respetong hinihingi mo
Bigay pugay pagkat kayo'y ibabaon sa hukay
At tuluyan nang kakalimutan sa hinaharap
Ang barko ay lalayag

Papayag ka ba na ikaw ay iiwan?
Papayag ka ba manatili diyan at mabulok
Ng tuluyan sa lumag galawan?

Wack ka na nga noon, wack ka pa rin ngayon
Wag ka nalang kaya gumalaw baka bumigay pa iyong tuhod
Hindi aandar ang karera pag preno ang iyong tatapakan
Ba't di mo itapon yang utak mo kung di mo naman 'to bubuksan