BULAG

Hindi pa mulat, ika'y pinipili na nila kumagat
Tanggapin ang mga bagay hindi mo nalalaman
Kahit na dugo't trahedya, naayon daw lahat
Sa mga plano at biyaya

Natatanging kalaban ng kadiliman
Sakop ng kanyang mata ang sanlibutan
Hindi masusukat ang kaalaman
Lahat daw ng kanyang gawin matuturing na banal

Palusot sa konteksto ng kanyang pagmamahal
Kaya wag mo daw isisi sa kanya kahit karumaldumal
Ang nangyayaring kamalasan sa inyo
Ang kalayaan mo ang kanyang regalo

Banal na ba ang tawag sa mga bulag?
Banal na ba ang tawag sa mga bulag?
Hindi ka ba titigil magpaka bulag?
Anong silbi ng awa mo, pinili mo maging bulag?

Ang dilim ay isang ilusyon
Upang tumingkad pa lalo ang kanyang liwanag
Ang dilim ay isang ilusyon
Ginawa ka niyang tanga habang ikaw ay nag dudusa

Malayang nakagapos sa batas
Siya'y pagsisilbihan, hindi makakapiglas
Pag-ibig niya sayo ay walang hanggan
Pero magkamali ka lang, apoy ang kaparusahan?

Makapangyarihang di marunong tumugon
Humihingi ng tulong, nanatili siyang tulog
Kaya paano nasabi na ika'y mapagmahal
Kung ang sarili mong anak hindi mo manlang masalba?

Banal na ba ang tawag sa mga bulag?
Banal na ba ang tawag sa mga bulag?
Hindi ka ba titigil magpaka bulag?
Anong silbi ng awa mo, pinili mo maging bulag?