The Rodin Tree

[Verse 1]
Auld Airchie, he sat by the side o the brook
Wi a rod in his hand, and a wirm on the hook
Neath the boughs o a rodden tree shady

[Verse 2]
The sunshine cam lazily tricklin throu
Aroon' him the flouers, sae dainty o hue
Thay war yellae, and purple, and violet, and blue
Wi a hye timmer ha timmer hey-dee

[Verse 3]
Auld Airchie caucht naething, A'm sorry tae say
Tho he sat thare and fished throu the hale o the day
Neath the boughs o a rodden tree shady

[Verse 4]
For intae the burnie, tho he niver knew
Cam the waste fae the gaswarks, sae dainty o hue
It wis yellae, and purple, and violet, and blue
Wi a hye timmer ha timmer hey-dee

[Verse 5]
So anither attempt he determined tae mak
But doun on a wasp's nest he sat bi mistak
Neath the boughs o a rodden tree shady

[Verse 6]
And he got several bites o the wrang kin', it's true
And the language that Airchie let oot when he knew
It wis yellae, and purple, and violet, and blue
Wi a hye timmer haw timmer hey-dee