Sentiss ciamà Papà

[Testo di "Sentiss ciamà Papà"]

L'è la vita ona cosa divina
Quann gh'è gioja, salutt e danee
Te barbònett da sera a mattina
Finché on dì, poeu te toeuvet miee
Che emozion quann però la sposina
La te dis: "Finalment siamo in tre!"

Sentiss ciamà papà
Da on mas'cètt che el sorid in la cuna
Sentiss ciamà papà
A te passa el nervos e la luna
Te guardet 'sta gioja
T'el giret su è giò
La nott te se svèjet e t'el vardet an'mò
"Tegn giò quii manasc!"
La miee la te diss:
"Fà attenzion, spongel nò coi barbiss!"

Sentiss ciamà papà
L'è el piasè pussee bèll della vita
Macché "grano" e bèj dònn
Gh'è ona gioja domà
Sentiss ciamà papà

L'è ona ròbba che dà on'importanza
Mì el soo nò come fann quej ch'hinn senza
Pensee che spettacol
Quann torni a mezzdì
E luu su i calzon
El me fà la pipì
E i quatter de nott
Quand el tacca a frignà
Par ch'el disa:
"Suu svèja, papà!"

Sentiss ciamà papà
L'è el piasè pussee bèll della vita
Ma che "grano" e bèj dònn
Gh'è ona gioja domà
Sentiss dì papà