Lassa pur che ’l mond el disa

[Testo di "Lassa pur che ’l mond el disa"]

Se sa che a parlà de Milan
Se fa minga fadiga
Con tanti argoment per i man
El discors el scarliga:
Ciapèm per esempi, i semafor:
Che gran meravillia!
Te par de vedè tanta gent
A ballà la quadriglia

Lassa pur ch'el mond el disa
Ma Milan l'è on gran Milan
Porta Cicca e la Bovisa
Che dintorni pròppi san
E la nèbbia, che bellèzza
La va giò per i polmon
E quand fiòcca, l'è bona
Gh'è el Parco e i bastion
Per scià senza andà al Mottaron
Fa nagòtt se poeu pioeuv
E andèmm giò a tomborlon
In la pucia a pucià el panetton

Se sa che a Milan gh'è in progètt
La metropolitana
Però sto progètt ogni dì
Semper pù el se allontana:
In cambi numm sèmm che in pittura
Milan la fa scoeula
Gh'è intorna domà cartellon
De formagg Gorgonzoeula!

Lassa pur ch'el mond el disa
Ma Milan l'è on gran Milan
El Carrobbi, la via Brisa
El carètt di ciappa can
Se te veet sul Montemerlo
Par de vèss a San Vensant
Ma cosa l'è Montecarlo
Sanremo e Menton
In confront de l'Olona e el Tombon?
A Paris gh'è la Senna
E el Danubi l'è blu
Ma a Milan gh'è el Navili e poeu puu

Lassa pur ch'el mond el disa
Ma Milan l'è on gran Milan
Pòrta Cicca e la Bovisa
Che dintorni pròpi san
Lassa pur ch'el mond el disa
Ma a Milan se sta benun
On bèl piatt de busècca
Con dent i borlòtt
E on òss bus cont intorna el risòtt
E on litròtt de quèll bon
Cont on bèll minestron
Fann content ogni milaneson