Casetta mia

[Testo di "Casetta mia"]

Stasera ona grand malinconia
A son passaa in dove la gh'era la mia cà
L'è tutta ona rovina quella via
Me son sentii ona lacrima spontà
Ricòrdi de l'infanzia, tempi bèi e tempi dur
E tutta la mia vita l'era scritta in su quei mur

Casètta mia, casètta mia
Te seret pussee bèlla d'on castèll
E quanti lacrim la mama mia
Quand l'haa savuu de 'sto tremend macèll
Casètta mia, casètta mia
Hoo ritrovaa sconduu sòtta on quadrèll
El liber de la prima comunion:
Hoo guardaa via, hoo guardaa via
Perché me son sentii vegnì el magon

Ricòrdi quand tornavi vers sera
A gh'era semper pront el mè mangià
La mia mametta in fond a la ringhera
La me guardava con felicità:
Fasevom di progètt de fà tanti abbelliment
Ma gh'è vegnuu la guerra
Gh'è vegnuu i bombardamеnt

Casètta mia, casètta mia
Con l'edera e i caròtol sul balcon
Tе se ricòrdet la giòia mia
Quand gh'è vegnuu la fera in sui bastion
Casètta mia, casètta mia
Adèss te pòrten via in sui marnon
Mì resti chi a guardat senza parlà:
Voo minga via, voo minga via
Son tròpp innamoraa de la mia cà

Mì trèmi come on bamba, ma però
Casètta mia, casètta mia
Te 'l giuri che te faroo su ancamò