’O viaggio ft. James Senese

RIT. ‘O mare tiene ‘o mare vaje e
Stu viaggio è luongo assaje
Quando arrive scrive doje righe
A mamma toia
Ma che t’hanno saputo fa
Pe’ nu’ puzzo ‘e petrolio
Ma si mantiene ‘o core sarrai oro

Ciente persone vuttate dint’ ‘a nù gozzo
Che puzza ‘e gasolio
Nun ce stà gloria pe chi è nato sotto
‘a stell d’ ‘o demonio
Se parte ‘e nnove e nun se sape po’ quanno se arriva
Se campe o se muore
Se va pe mare
Se astregne mmiez’ ‘e mane na’ curona
E senza fa rummore
Se aspetta ll’Italia
Se arriva chiano a cocca è amara
L’aria se taglia dint’ ‘a nà maglia impregnata ‘e sale
E intanto ‘o sole chiagne lacreme ‘e surore
Simme gente ‘e culore
‘o viento è comme nu lamiento ca’scioscia dint’ ‘o core
Scagnate ‘a nu dulore atroce e nun truvammo pace
E abbrucia ‘o sole arreto ‘o cuollo n’coppa ‘a stu’ gommone
E stu cazone ca purtammo n’cuollo vale oro
Ma ‘o viaggio è luongo e nun se arriva ancora

RIT. ‘O mare tiene ‘o mare vaje e
Stu viaggio è luongo assaje
Quando arrive scrive doje righe
A mamma toia
Ma che t’hanno saputo fa
Pe’ nu’ puzzo ‘e petrolio
Ma si mantiene ‘o core sarrai oro

Anoressia, ‘a bulimia, ‘a depressione, ‘apucundria
Songo cheste ‘e malatie ca nun ce vonn fa vedè
Dint’ ‘e reality e accussì st’ italia capa ‘e rapa
Mette ‘e frate contro all’ ati frate e doppo cerca n’alibi
Sape sti cazzi Alì
Primma ‘e partì se vasa ‘a mamma ‘a terra ‘e figl
E l’ultimo vaso p’ ‘o cchiù piccerillo e ppò se và
Dint’ ‘a nù mare ‘e marmo addò manco cchù ‘a
Luna se sape specchià
Ma nun vò fa pietà cerca ‘a fatica
Ce sta chi ‘o giudica chi ‘o critica chi ‘o vede
Comm’ ‘a nu’ nemico
Se dorme a vinte dint’ ‘a na’ stanza e nun se respira
Sfogano ‘e pensiere dint’ ‘a sti rime Alì te sto vicino e a nomme d’ ‘e cumpagne
Mie te cerco scusa
Me sposo ‘o dispiacere comme fosse ‘o mio
Pe’ tutte stì bucie scusaci Alì

RIT. ‘O mare tiene ‘o mare vaje e
Stu viaggio è luongo assaje
Quando arrive scrive doje righe
A mamma toia
Ma che t’hanno saputo fa
Pe’ nu’ puzzo ‘e petrolio
Ma si mantiene ‘o core sarrai oro