Aggio perso ’e sorde

RIT. Aggio perso ‘e sorde dint a’ cumana
Aggio perso tutt’ ‘e soldi dint’ a’ cumana
Però me pare strano ca nisciuno l’ha truvate cumpà
Pigliate ‘a nanze ‘ca m’ammanca ‘o sciato
Corro subito dint’ ‘a chell ata fermata
Ma n’ata cumana è partuta
Me votto ‘nterra distrutto
Castrato ‘a n’episodio
Ca’ dinto ‘a n’attimo ‘e nu’ secondo
Pare ca fernesce o’munno
Aggia ire ‘a recogliere ‘e cartune
‘o pozzo sperà can un m’abbandona ‘a furtuna
E forse è ‘a stessa ca m’ha fatto saglì dint’ ‘a cumana

RIT. Aggio perso ‘e sorde dint a’ cumana
Senza denare nun se cantano messe
E ‘o stress piglia ‘o sopravvento
Quando nun tieni niente
E vulisse fa’ tutte cose
E forse nunn’ è ‘o caso
Quando s’appresenta nu’ problema e chist
È ‘o pretesto e se ne fa capace
A cerevella coce o culo abbrucia
È ‘na croce e facce so’ beige p’ ‘o ‘ntussecamiento
È comme na stagione ca rint’ nu mument è addivintata vierno
E pariente song sempe primme addò vaje ‘a chiagnere

RIT. Aggio perso ‘e sorde dint a’ cumana
Chi parla a schiovere e chi overo fa
Te parlo d’ ‘a vita
E saccio ca nun’ aggio capito niente
‘e vvote remo ‘e vvote me faccio purtà dà currenta
Me parla sta ggente ma io nunn’ ‘e sento
Malamente ‘o buono senza ragione
Veco ‘a raggia d’ ‘o miliardario e l’alleria d’ ‘o straccione
Faccia a faccia ca morte nun se stanno sordi e curone
Juocate sti ‘ccarte asso mazzo 11 punti
Fatte ‘e cunte ca ‘e suone passano e te scassano
Comme ‘e paste c’accatte a dummeneca
Chiamma ‘o miedeco
Chiamma ‘o midedeco……

RIT. Aggio perso ‘e sorde dint a’ cumana