Fratammè

RIT: ‘O bello fratu mio ma che te l’era di
C’aviva murì accussi’
O sta’ vita ma che d’è
Pe mmiezo a tanta gente hanno cugliuto a tte’

Allora attaca cu’ stu’ bit
Sient Gio’ ‘ca chello ca te conto
Nun s’affronta n’coppa ‘e libre no
Me pare mo’
Eppure o tiempo vola
Comm e cagna culore nu sciore che more
E ancora tengo ‘e pparole ‘n ‘capa ‘e fratemo Totore
Pe’ scagno capitato dint’ ‘a ‘na sparatoria e acciso
Pe n’errore
Erano ‘e nove a sera ‘o cielo s’era fatto nire comm
‘e ‘a cenere ‘e ‘na sigaretta
Ma all’intrasatto ‘nu truono dint’ ‘a nu’ suono ‘e na’ motocicletta
E bell’ e bbuono ‘o botto
Totore n’terra me guardava fisso
‘o sanghe ‘n faccia ‘o muro
Era nu quadro ‘e Picasso
‘e passe che arrivavano ‘a luntano
Tutto tale e quale
‘e allucche comme ‘e ll’animale tuccavano ‘o core
Facimmo ampresso c’amma ‘j ‘o spidale
Ma intanto po’ Totore me lasciava ‘a mano

RIT: ‘O bello fratu mio ma che te l’era di
C’aviva murì accussi’
O sta’ vita ma che d’è
Pe mmiezo a tanta gente hanno cugliuto a tte’

Nuje simme frate nati tanta vote insieme
Cu’ ‘o mmale che cumbatte ‘o bbene
‘o bbene vence sempe simme cielo
Levame ‘e mmane ‘a vocca
Parlame damme ‘o core
Pecche’ dinto ‘o dulore addivintammo una cosa
Simme oro int’ ‘o munno c’ ‘o fummo dint’ all’ uocchie
Ca nun ta fa mai vede’
Cca’ sotto sotto ‘a st’i ccarni carnale tu si tal e quale a mme’
Nisciuno miedeco po’ mai spiegà sti’ mmalatie
Simmo chello ca simmo si capisce solo
Quanno crisce mmiez’ ‘a via
Storie sbandate bande malfamate
Sanate da n’ammore
Ma l’ammore nun e’ maje malato
Sole visto e svisto
Istituzione fatte ‘e mariuole
‘a scienza e pane e puparuole
Ce sta chi nun piglia maje calore
Manco sotto ‘o sole
E specie chi ha cugliuto a fratemo Totore

RIT: ‘O bello fratu mio ma che te l’era di
C’aviva murì accussi’
O sta’ vita ma che d’è
Pe mmiezo a tanta gente hanno cugliuto a tte’