Mir Kölsche

Dreimol
Kölle

Mir Kölsche krijen flöck nen decken Hals
Mer Kölsche sajen leever wie, wie als
Mir Kölsche fressen jeden Dach en Flönz
Mir han d'r FC Kölle, wat dann söns
Mir Kölsche ston bes morjens an d'r Thek
Mir Kölsche maachen Deckele beim Weet
Mir Kölsche lossen keine dran
Mir Kölsche mir han Spetzebötzjer an

Mir Kölsche, mir Kölsche
Mir Kölsche han met jarnix jet am Hoot
Dröm jeit et uns Kölsche
Och immer immer immer widder jot

Mir Kölsche fahren met d'r KVB
Un manchmol och mem Müllemer Bötche
Mir Kölsche, mir sin Mädche un och Jonge
Mir Kölsche sin dem Herrjott jot jelunge
Mir Kölsche han d'r längste Desch d'r Welt
Fastelovend weed de dicke Trum gespeelt
Mir lossen d'r Dom am Bahnhof ston
Un däten ze Fooss noh Kölle jon

Mir Kölsche, mir Kölsche
Mir Kölsche han met jarnix jet am Hoot
Dröm jeit et uns Kölsche
Och immer immer immer widder jot

Mir Kölsche, mir Kölsche
Mir Kölsche han de schönste Stadt am Rhing
Un doröm han mir Kölsche
Em Hätze immer immer widder Sonnesching

Kayjass, Köbes, Kölsch, Kamelle
Kallendresser, Halven Hahn
De Haupsach es, et Hätz es jot
Nur dodrop kütt et an

Mir Kölsche, mir Kölsche
Mir Kölsche han met jarnix jet am Hoot
Dröm jeit et uns Kölsche
Och immer immer immer widder jot

Mir Kölsche, mir Kölsche
Mir Kölsche han de schönste Stadt am Rhing
Un doröm han mir Kölsche
Em Hätze immer immer widder Sonnesching

Dreimol
Kölle
Alaaf

Ende