Kumm widder Heim

Et es widder spät un ich denk an dich
Dat Foto vun dir steit om Beistelldesch
Ich stelle m'r vür wie schön et wör
Wörs du jetz bei mir, doch dinge Platz es leer

Kumm widder heim, ich vermesse dich su
Kumm doch zeröck, sach m'r wo bes du
Ich wünsche mir du wörs widder do
Un et wör su wie fröher, su wie et fröher wor

Die Kleine sin brav, schlofen he nevven mir
Se han dich vermess, han jesöck no dir
Du koms jo schon off esch am Morje heim
Doch zick einer Woch lösste uns he allein

Kumm widder heim, ich vermesse dich su
Kumm doch zeröck, sach m'r wo bes du
Ich wünsche mir du wörs widder do
Un et wör su wie fröher, su wie et fröher wor

Du wors su jung un koms vun d'r Stross
Fross och direk us minger Hand
Ich han dich jebad un ich han dich jebösch
Un dann han ich dich Muschi jenannt

Kumm widder heim, ich vermesse dich su
Sach m'r wo bes du
Ich wünsche mir du wörs widder do
Un et wör su wie fröher, su wie et fröher wor
Et wör su wie fröher, su wie et fröher wor