Mem Finger üvver de Landkaat

Stell d'r vür Du bes janz wick weck
Sare m'r ens en Usbekistan
Lurs d'r en Usbekistan de Yetis an
Do meld sich plötzlich dinge Weisheitszahn

Oder janz huh en Island do
Sin Toilette jänzlich unbekannt
Setz de Dich do an d'r Jeysirrand
Häste Dir em nu de Fott verbrannt

Woröm wollen de Lück
Su wick weck wie m'r kann
Do ben ich anders jestrick
Nä dat muß ich nit han

Ich jon mem Finger üvver de Landkaat
Ich kumme üvverall hin
Met mingem Finger üvver de Landkaat
Kann ich üvverall sin
Zum Fröhstöck no Amerika
No Japan für e Tellerche met Sushi
Ich jon mem Finger üvver de Landkaat
Un föhl mich wie Amerigo Vespucci

Oder Club Med Dom Rep all inclusiv
Animation für all dat Fett am Liev
De Bein jespreitz un völlich üvverreitz
Muskelfaserress un d'r Hals es stief

Och en d'r Eifel un em Westerwald
Es de Landschaff schön, ävver
D'r Wind es kalt
Un Wandere en d'r Brunftzick es
Besonders schläch
Denn wat sich bewäch weed avjeknallt

Woröm wollen de Lück
Su wick weck wie m'r kann
Do ben ich anders jestrick
Nä dat muß ich nit han

Ich jon mem Finger üvver de Landkaat
Ich kumme üvverall hin
Met mingem Finger üvver de Landkaat
Kann ich üvverall sin
Zum Fröhstöck no Amerika
No Japan für e Tellerche met Sushi
Ich jon mem Finger üvver de Landkaat
Un föhl mich wie Amerigo Vespucci

Woröm wollen de Lück
Su wick weck wie m'r kann
Do ben ich anders jestrick
Nä dat muß ich nit han

Ich jon mem Finger üvver de Landkaat
Ich kumme üvverall hin
Met mingem Finger üvver de Landkaat
Kann ich üvverall sin
Zum Fröhstöck no Amerika
No Japan für e Tellerche mem Uschi
Ich jon mem Finger üvver de Landkaat
Un föhl mich wie Amerigo Vespucci

Ich jon mem Finger üvver de Landkaat
Met mingem Finger üvver de Landkaat
Zum Fröhstöck no Amerika
No Japan für e Tellerche met Sushi
Ich jon mem Finger üvver de Landkaat
Un föhl mich wie Amerigo Vespucci