Jeck em Rän

Su wie jede Morje tricks de dich an
Schleichs durch et Treppehuus runder un dann
Em Breefkaste lit noch nit ens mih Werbung dren
Wo soll m'r och all met däm Papiermüll hin

Du steis en d'r Dür lurs links un och rächs
Weiß widder nit wo es dinge Wäch
Et kütt wie et kütt - et bliev doch wie et es

Hey, Jeck em Rän - sach, wo es dinge Stän
Wo jeis de hin
Wä hät dich hück su schön Parat jemaat
Hey, Jeck em Rän - keiner hät dich jän
Wo es d'r Senn
Oh, Jeck em Rän komm dun ens laache

Di Spejelbild lurt dich sehnsüchtich an
Et Levve mät Hunger denks de un dann
Üvver dir trick sich d'r Himmel zo
Besser wör et widder en et Bett ze jon

Ohne Schirm sät de Mamm
Weed m'r jo naaß
Un en naaße Nas bieß fröher en et Jras
Et kütt wie et kütt - et bliev doch wie et es

Hey, Jeck em Rän - sach, wo es dinge Stän
Wo jeis de hin
Wä hät dich hück su schön parat jemaat
Hey, Jeck em Rän - keiner hät dich jän
Wo es d'r Senn
Oh, Jeck em Rän komm dun ens laache

Hey, Jeck em Rän - sach, wo es dinge Stän
Wo jeis de hin
Wä hät dich hück su schön parat jemaat
Hey, Jeck em Rän - keiner hät dich jän
Wo es d'r Senn
Oh, Jeck em Rän komm dun ens laache

Hey, Jeck em Rän - kumm söck dinge Stän
Wo esse hin
Hät sich für dich hück schön parat jemaat
Hey, Jeck em Rän - och du fings dinge Stän
Dann mät et Senn
Oh, Jeck em Rän dann kütt och di Laache

Hey, Jeck em Rän