L’amuri ca v’haju

[Testo di "L'amuri ca v'haju"]

Non lu sapiti l'amuri ca v'haju
E nun sapiti quantu v'addisiu
Nun lu sapiti comu chianciu e staju
Quannu ca p'un mumentu nun vi viju
Dintra di l'arma mia 'na vampa cci haju
E lu me cori è vostru e no lu miu
Si moru 'nparadisu nun cci vaju
Pirchì p'amari a vui
Non penzu a Diu

E vui sapennu 'st'amuri e 'sti peni
Mi lassati muriri comu un cani
Ma oggi siddu cc'è cu' vi tratteni
Speru di cunvincirivi dumani
Cchiù nun m'amati e cchiui vi vogliu beni
Cchiù tempu passa e mannu cristiani
'Un mi lassati amuri 'ntra 'sti peni
Pirchì siti pi mia
L'acqua e lu pani
Pirchì siti pi mia
L'acqua e lu pani
L'acqua e lu pani