Kourssi L2i3tiraf

[Paroles de Magma feat. Eger "Kourssi L2i3tiraf"]

[Couplet unique]
Yo! 3tiwni balkom, la kan dmagh rass malkom
La kont kangoul l7a9, ra ma tame3 f slamkom
B7ali b7alkom, w yami 3lya dazt 7rid
Kanfekker, wana oufakkir ya3ni ana mrid
Chella 7ekmo 3lya taghi, chella ychouf 3endi kolchi
Wakha ma 3endich li baghi
Tme3en a saghi, l7erf 3endi ghali
Sawt lblad, 3la rassi sadd fel 3alam dyali
Taye9 fel 3ali, f dlam lyali 3ad nerta7
Bel gamra mdowwi, wakha f lil ykter nba7
Wakha f chella 7wayj mesdoum
7ite la jit n3aawd lik 7yati, kolla nhar gha nkherrej album
Ti9o bya, mbourech
7ta traf le7mi nhar lba3t ghadi ychehdo 3lya
Ma 3la bali b ga3 li dwaw fya b zzour
3andi madi khayb, w 3liha mabaghich nchouf llor
L3ayn ach chaft lfomm ach gal, w rejli fine ddithom
W yeddiya, ghy7ekmo 3lya ila ma ddithom
Ch7al dl mmas fog le7mi w galbi maddithom
Drari b chella 7lam 3emerhom ma fato bit'hom
Joul, lghaleb howa moul nniya
Yemken 7it niya, men de7ka 3endi 7assassiya
Taydoro 3wam, bel we9t ymken ghandawi jer7i
Yemken ghir lhemm li khellani 7ani rassi w merkhi
Décalage f ssen, w nefs 3endi 7arra
Melli kanskhet imma rap wella l'barra
Ila ma fehmokch rah ghir ma 3erfoch 9imtk
Ma dir ti9a f 7edd, men ghir f Rebbi w f mimtk
Men ghirhom, 7ta chi 7add ma ghayjib khbari
W lli 7ell l'ktab, rah machi b daroura 9ari
[?] gloub chella bnadem hazz
Lfer9 kbir bine li fhem kelma, wlli melyoun sme3ni w daz
T9ol li hazzo hazzo f bali, tkafa ghi m3a hmoumk
W khellini ghare9 f dyali
7ite ma 3reft achno li dyali, w achno ga3 ma lya
Nhar lya, w 364 youm 3lya
We9ti we9t khbit, ma3roufa 3lih bel 9aswa
9imtk machi b 3e9lk, 7it tay7ekmo 3lik bel kaswa
3la rassi ma ghankdebch, m2amen b lli sar
Ki ghadi ndir nkhne9 l3afya, w fyeddi yzar
7it 7ta lgalb lmajrou7 3ando dmou3
Lhemm m9ejjer, mali ga3 mennach mesnou3
Li khellak khellih, 7atta lghder 3endo mmalih
Demmi jmed, ki ghandowez lberd w lyalih
3tina bzzaf, 7atta jahd menna tar
Sowwel lkhout, ygoulo darha lwe9t lgheddar
Li zre3 7sed, welli 3endo jnan fiha jna
3lach kan9elleb, ra kolna jaryin mor hna
7ite li chafti meno ghir l9lil, gha tme3 f ktiro
N9der nes7ek bach dir, li ma 9dertch ndiro
Galou dreb denya b talon, ymken l3alam koura
Bl7e9 ana li zman dayerni ballon
Men se7ti machi ghir, men jibi ntef
W ma kanti9ch, f li 9ari lmosta9bal fel keff
Li tayjri mora zher skhef w mal9ach li ywassi
Ma 3endk lach tsebbni wella tsebb nassi
Kenti nassi, lklam dyali bih dekher
Kanban lik kan3erbez, wa sme3ni 7ta lekher
Wakha jjehd bin sba3i machi bidi
3la denya ka3i, 7ite ma radi b 7add ykoun sidi
Moul lkoun Sidna kamlin, w rah me3rouf
Matgolch 7akmatna denya w dorouf
Tana9od kbir, sabra 3la t9ol li 3liha
Rebbi khle9na f lard, w 7na kanfesdo fiha
La kan koll wa7d, wachmen tri9 salek baghi sa3d
7awel tesdbe9 ddall dyalk
Machi fel krouch, f gloubna sart mja3a
Inti7ar ramz do3f, khasso bzaf d chaja3a
Sa3a mora sa3a, ro7 b chwya me9toula
Li 3lya derto, wel kamal 3la Moula
Allah kan w kayn, w f galbi ba9i sakn
Tam3in f denya mnowra, wakha lwa9i3 dakn
L’atmosphère khesrat f smana ketro lghyam
Mazal mal9it l dwa lmerd, smiyto lyam
Denya se7ra twila, ch7al men wa7d fiha wke7
Kolla nhar taydoz, ikhtibar 9lil fih nje7
L'dakhel dyali haz l'blan
Baghi nkemmel 7yati fog jbel, ana w hya f caravane
Kent ghalet jouj nfous, f we7da metnas9a
Nssit belli 7ta l9arrat li kant mlas9a
Tfer9at, w kolla fin cheddatha
Lwe9t beddel bnadem, b7our denya jerratha
Ddatha, fkoula marra ras yskhen
Chkoun gal, rjal makat3refch t7en
Lyam maghadich tjik f gantk
Maghadich t7bes lwe9t, wakha therres magantk
L'flashback tabe3ni men llor, mabaghich yfout
Li kan7es bih men jihthom, 3emro ghadi ymout
Ymken drito lme3na, w 3reftoni 3la men kateb
3emmri rebbe3t yeddi, ntsenna fel mkateb
Lik 9rib 7ite lbo3d machi bel kilométrat
Nsowwel nefsi 3la denya w f tri9ha achno l9at
7all l3ayn w chouf, ch7al kayn men jari7
Ch7al men wa7d keddab, w ch7al f klamo sari7
Noud w nti7, la7ram w blawih 3lina tsellto
Bl7e9 le7mi w demmi, m3a trab ghaytkhelto
Kankhaf Rebbi, mayhemch dmaghi la kan dakh
Li dazt f 7yati lbar7 3erfo lyoma ghir wasakh
Jit w gales lyom, f kourssi l2i3tiraf
Mora 5 d9ay9, tandenn mesmou7 l2insiraf
2i3tiraf, khab denni fiha 7ta hya
Wakha ga3ma tfi9 lya, tandir ghir li 3lya
Khsara dert niya w rej3et 3lya b ndama
Stylo ba9i ykteb wakha mdadou gal b slama