Hoit, da is a Spoit

[Songtext zu "Hoit, do is a Spoit"]

[1. Strophe]
I sitz unt beim Wirtn und schnops ma an Liter aus
Den aundan steht scho zwamoi d'Luft, für mi schaut's bitter aus
Der hot scho's zweite Moi in Vierzger in der Hand
Der hot a Glick, des pockst ned, hearst, der is beinand
Auf amoi kneiß i, der sticht scho des zweite Moi mi'n gleichn Ass
Der wü mi do nur linkn, hearst, doch do kenn i kan Spaß

[Refrain]
Hoit, do is a Spoit, passt's auf, dass kaner einefoit
Hoit, do is a Spoit, passt's auf, dass kaner einefoit

[2. Strophe]
Wie i so auf der Gassn geh, hoit mi ana auf
"Gestattn", sogta, "lesn S' gern?"
"Na, monchmoi", sog i drauf
Da zieht er einen Block hervor, und schaut mi komisch an
"Mein lieber Herr, ich hätte da ein günstiges Abonnement"
"Gengan S', unterschreibn S', lesn S' goa net, wos do steht"
Der wü mi doch nur einedrahn, doch bei mir geht des net
Na, na!

[Refrain]
Hoit, do is a Spoit, passt's auf, dass kaner einefoit
Hoit, do is a Spoit, passt's auf, dass kaner einefoit

[3. Strophe]
Wiar i gestern hamgeh, eigspritzt woar i a
Kommt ma vua, wie wann vor mir a Botzn Abgrund war
Wos is denn do los, denk i ma, is a Erdbebn gwesn?
Des hätt i doch, sicherlich, in der Zeitung glesn
Des muaß a Sinnestäuschung sei, i wü scho weida geh
Do schreit ana: "A Baugruabm, hearn S', um Gotteswülln, bleibm S' steh!"

[Refrain]
Hoit, do is a Spoit, passt's auf, dass kaner einefoit
Hoit, do is a Spoit, passt's auf, dass kaner einefoit