De Kinettn wo i schlof

Wann in da Fruah de Nocht
Gengan Tog den kürzern ziagt
Und wann da erste Sonnenstrah’
De letzte Dämmerung dawiagt
Dann woch i auf
In der Kinettn wo i schlof

De Tschuschn kumman und i muaß mi schleichn
Sunst zagn s' mi an
So kräul i hoid auße und putz ma
Den Dreck o, so guat i kann
So steh i auf, in der Kinettn wo i schlof
So steh i auf

I hob mi scho seit zehn Tog nimmer rasiert
Und nimmer gwoschn
Und i hob nix ois wiara Flaschn Rum
In da Mantltoschn
De gib i ma zum Frühstück und dann
Schnorr i an um a Zigarettn an -
Und um an Schülling

Und de Leit kommen ma entgegn
Wie a Mauer kumman s' auf mi zua
I bin da anzige, der ihr entgegen geht
Kummt ma vua -
Oba i reiß mi zsamm und mach beim ersten Schritt
De Augn zua

Es is doch ganz egal
Ob i wos arbeit oder net
Wei fia de dünne Klostersuppn
Genügts doch a, wann i bet
Laßts mi in Ruah
Weu heit schüttn s' mei Kinettn zua
Laßts mi in Ruah