Dei Foto

Du hast es net glaubt und i habs net glaubt
Dass i amoi von dir furt geh
Damals wia's no niemand glaubt hat
Dass du jetzt mit mir gehst

Es war so leiwand und i war so selig
Wia ma gsessen san im Klanan Café
Wias dann schön langsam a jeder gmerkt hat
Dass' du jetzt auf mi stehst

Du hast ma gsagt i bin dei Märchenprinz
Und du warst für mi wia a schöner Traum
Und wann i di net gspürt hab
Hab i nimmer schlafen können –
Dann hab i ma müassen immer dei Foto anschaun

Mir haben ganz verruckte Sachn gmacht
Zum Beispü a Nacht lang spaziern geh
Weil ma ka Geld mehr ghabt haben
Und ham geh wollt ma a net
A anders Mal hast ma die Wiesn zeigt
Wo du als Gschrap immer gspüt hast
Mir haben uns so unhamlich gern ghabt
Wia's sonst nur in die Büacheln steht

Du hast ma gsagt i bin dei Märchenprinz
Und du warst für mi wia a schöner Traum
Und wann i di net gspürt hab
Hab i nimmer schlafen können –
Dann hab i ma müassen immer dei Foto anschaun

Auf amoi war alles vorbei
Du hast ganz plötzlich wegfahrn müassen
A halbes Jahr nach England oder sonst wohin
Des hat mi net interessiert

I bin a net mit dir zum Bahnhof gangen
Des hätt i afoch nimmer können
Nur angruafen hab i di und du hast mi gfrogt
Was jetzt aus uns wird

I hab da gsagt es is jetzt aus mit uns
Und dass du manchmal an mi denken sollst –
Du hast es net verstanden
Und hast gsagt du wirst ma schreiben
Und i hab jetzt nua mehr dei Foto –
Aber des is scho alls