Dr eint het Angscht

[Strophe 1]
Dr eint het Angscht, dass dr ander chönnt lache
Dr ander het Angscht, dass dr eint chönnt lache
Und alli mache si alls wo si mache
Us Angscht dervor, dass öpper chönnt lache

[Strophe 2]
Und wil nid alli über ds glyche lache
Chönnt me mängisch ds einte oder ds andere mache
Und s'würd i beidne Fäll öpper lache
So chunnts, dass si halt de gar nüt mache

[Strophe 3]
Si dänke nid dra, bi däm, was si mache
Bi däm heisst das, was si nid tüe mache
Us Angscht dervor, dass öpper chönnt lache
Dass öpper darum ersch rächt chönnt lache

[Strophe 4]
Es isch im Grund ja grad das zum lache
Dass si geng Angscht hei, dass öpper chönnt lache
Und was si o mache, dass niemer söll lache
Es nützt ne drum alles nüt!