Zal wel wat verkeerd hebben daon

Zal wel wat verkeerd hebben daon
Wat het ook was, 't was niet zo beduuld
Mar ergens zal ik toch wel weer wat zegt hebben
Waordeur 't nou zo vrumd en ongemakkelijk vuuld

Misschien was het omdat ik toen wat zee
Over die vent die jij zo hoog hebben staon
Of omdat ik umging met die kerel
Waorvan jij denken, moe'j nou daor met umme gaon

Misschien komp 't gewoon deur de tied
Dat alles langs mekaar löp nou en dan
Nee het moet haost wel wat meer wezen as dat
Want as 't goed is komp daor nie gauw zulkswat van

Dat wat ik zee lest veur de telefoon
Was opzich beduuld veur de poele grap
Ach dat begriep jij vast en zekers as de beste
Joen eigen opmerkings ben vaake ok niet te krap

Bij 't vuur zitten praoten over vuur
Da's de manier veur ons allebei
En dat we der dan samen achter kommen
Dat jij weer 's 't zölde dachten as mij