Onder de boome

Wekenlang niks as zunneschien
Dagenlang zölfs gien wolk te zien
We zitten hier goed, we eten der zölfs
En de kippen kriegen de ressies
Waor moe'j nou anders weden
Gien stee fijner as hier

Onder de boome
'n Parasol van holt en blad
Onder de boome
Wol da'k daor nou eben zat

Nou en dan fijn de sproeier an
Daor wo'j sowieso wat frisser van
Der is hier gien wind mar hoe het het ok kan
Der lek verkoeling te weijen
Waor moe'j nou anders weden
Gien stee fijner as hier

Karnemelk, water of thee dat helpt 't best
Allen' mar meer dörst krie'j van ranja en van de rest

Opa komp hier nie veur de thee
Wat anders dat huuft ok nie perse
Hij wet as't gloependig hiete is
Dan kan hij hier rustig zitten
Waor moe'j nou anders weden
Gien stee fijner as hier