Tapos Nang Tanan

Tapos nang tanan
Walo ka buwan sad kong nagbalik-balik
Sa imohang tugkaran

Kapila na nasirad-an sa imohang purtahan
Apan ako, ang gahig u’o
Dili gyod motagam

Kay kining kasingkasing ko
Magpangita sa mga
Hinatag mo ug hinangyo kong
Higayon nga minugbo

King awit nasuwat
Samtang ako naghuwat
Nga basin pag ayha ra ka
Manumbaling sa ako nga human na ta

Gang, palihug lang
Ablihi imong bintana
Sa di pa ko mogikan
Tubaga, ulahing pangutana

Wala man ta ko naglaom natong duha
Nganong di makabuot akong hunahuna
Munamuna kong paningkamot nga malimot na
Apan maungot kos pamasin nga may gugma pang nahabilin

Tapos nang unos
Imong atop walay pulos
Kay ang uwan nag gikan
Sa kinailadman sa akong dughan

Di na ko motuktok
Diri lang ko maghinuktok
Mao naman ang naandan
Mag-atang hangtod mabuntagan

Hangtod sa kahangturan
Hangtod mahutdan kog ginhawa
Ikaw ra ang hinungdan aning mga luha

Nga baha ang padulngan
Kung di pa gyod ni molurang
Unta puhon maundang na
Tubaga na lang king pangutana

Wala man ta ko naglaom natong duha
Nganong di makabuot akong hunahuna
Muna-muna kong paningkamot nga malimot na
Apan maungot kos pamasin nga may gugma pang nahabilin

(Interlude)

Wala man ta ko naglaom natong duha
Nganong di makabuot akong hunahuna
Muna-muna kong paningkamot nga malimot na
Apan maungot kos pamasin nga may gugma pang nahabilin
(May nahabilin)
May gugma pa kahang nahabilin?