TapadTagTulog

Pasagdii na lang usa na ang hinayhay
Wa na tay mahimo kung kusog gyod ang hangin
Alanganin sag daginoton pa gyod natong panty

Ikaw na lay pag igo sa panihapon
Kung ginamos gihapon, mosukol ra akong tinai
Di bali'g baho ni, mao ni panagang kontras kabuhi

Di na ko mabag-ohan
Maglisod tag mabagyohan
Layo pa nig abot atong kusog
Tuod di man ta hayahay
Ang pagpuyo way pagmahay
Basta, tapad tag tulo-o-o-og
Oh-oh-oh-oh

AD LIB

Inig saka sa tubig (simbako)
Hugti lang pag gunit diri sa akong
Bukton nga puros na lang panit
Styro lang ang langit
Sa gibahang mga yagit

Di na ko mabag-ohan
Maglisod tag mabagyohan
Layo pa nig abot atong kusog
Tuod di man ta hayahay
Ang pagpuyo way pagmahay
Basta, tapad tag tulog
Tulo-o-o-og
Hooo-oooh-oooh
Tapad tag tulog