So chalt

Log mini Eltere sind alt worde
Ey Mama log din Sohn isch en Maa worde
Ey Mama log die Welt isch so chalt worde
Ey Mama log die Welt isch so chalt worde
Und ich sueche nach de Antworte
Wie hed das passiere chönne?
Wer hed das z verantworte?
Und ich weiss no det im Sandchaschte
Isch die Welt so gross gsi, wie de ganz Garte
Ich weiss no damals so mit Sibni
Isch die Wält so gross gsi wiene ganzi Siedlig
Doch ich gspür wie mini Sicht sich änderet
Und die Welt sich um mich verändert
Und ich gseh wie dis Gsicht sich änderet
Die Falte under de Auge Mama die dicke Ränder
Ey ich gseh nümm dur Chinderauge
Erwachse werde gahd schnell
Doch so isches glaub ich

[Hook]
Log mir sind älter worde
Doch die Welt um eus, die isch chälter worde
So chalt, so chalt, Mama
Ey so chalt, so chalt, Mama
Log mir chönd nid ewigs chlii bliibe
Aber öppis da isch gliich blibe
Ech suech alls, suech alls Mama
Ech suech alls, suech alls Mama

[Verse 2]
Nach de Antwort
Log mini Eltere sind alt worde
Ey Mama log din Sohn isch en Maa worde
Ey Mama log die Welt isch so chalt worde
Ey Mama log die Welt isch so chalt worde
Ich säg nöd das alles schlächt isch
Aber dases ongerächt esch
Mama dases ongerächt esch
Vo dem was anderi träumed, das hemmer ufem Esstisch
Und säg mer wie cha das gerecht si?
Mama ich bi 25i
Und wär ich in Türkei Student gsi
Und hett ich gseid, was ich denk
Wär ich imne Gfängnis
Doch zum Glück bin ich da
Min Papa isch damals id Schwiiz cho damals ich ha nüd defür gmacht
Und trotzdem gids no Lüt i dem Land
Wo würkli glaubed das Herkunft sie zu was Besserem macht
Log ich bi chlii gsi, ha nöd verstande
Was bedütet all die Farbe, was bedütet Landesflagge
Hüt verstahn ich Sache
Verachte das Verhalte
All die Lüt mit Grenze ide Chöpf und Nationalgedanke
Hüt bin ich nachdenklich
All das Nationaldenke schafft au immer abgrenzig
Und abgrenzig wird zu usgrenzig
Und was usgrenzig Mensche atuehd isch unmenschlich

[Hook]