Shoufet L3ma

[Couplet unique]
7kmat 3lia l 9dar nwalli 3ma mn ba3d makount tanchouf
40 3am f do lyoum ghi f rassi tador
3amri ma3raft dlam 7ta mchali do
Wbach nrdo machi bydi w 3arf rassi bla bih a ndoukh
7assit b rassi insan wa7dakhour la l dakhl la bra
Nass fwajhi tghtta w nass f 3a9li t3rra
Machayf walo 7ass b dmou3 mnin tayhbto
3ine tatbki 3la 3ine wakha houma bjouj tssdo
Jatni ghriba nfi9 f sba7 bla manchouf l mraya
Wla darori mnin nkhrj khass wa7d m3aya
Marditch b 7ali mn b3d mnin swlt 3raft blli f l 3alam kayn ch7al mn wa7d b7ali
T3almt nbki bach ntfaja
Frassi golt ma 3ndi zhar 7ite anaya mchit mnin houwa ja
Jib ... kan ys7abli yjibli li bghite
Fra7te mnin 3amarto w chrit lbla li bih daba 3mit
3rft 3lach galou tma3 ta3oun
L3ma tayb9a 3ma lamchatlo l3ine wakha ykoune fr3oun
Floune wla f dine ymkn nkhtalfo
Machi jirane f denia f lakhra ghadi ntchawfo
40 3am mn 7yati f rassi wallate tadoz b7al film 9ssir moukhrijo dlam w skati
Lim mtlo m3aya fih be3do 3lia
Wakha 3amarhoum makanou 9rab lyoum yatchffaw fia
3arf rassi tana makountch mazyan makountch far7ane
Ghatess rassi f chrab w hakdak kane l7al
Koul nhar m3amar l bbar w khawi dari
Kan 3nd bali tanamchilo mrid tanarja3 bari
Makountch 3arf denia khda3a
3raftha mnin cheft dakchi li bnito f 3wam mchali f sa3a
7assite b rassi d3if mal9it ma ndir
9lal li t3atfo m3aya w fblasst l 3ma samawni bssir
Dazet lyam l 3ma wla taychouf
Wakha f dlam wla tay7ass
Mab9ach taykhaf wla tayasma3
Kter matayahdr mab9ach taya9ma3
Eh wla yfera9 bin byad w k7al mazyan w khayb
Lfer7a matchra b flouss 3liha 3amri mal9itha
3liha lflouss 3ndi ta7et 9imtha
Kan yess7abli l fer7a f lflouss sa3a lfer7a f nfouss
F9ir wla ghni chkoun biha ghayfouz
Rja3te lour nchouf 7yati li dazet m3a wladi m3a walidia fosst dari m3a mrati
L9it rassi m9asser f 7a9houm ghadbanin 3lya
Wladi makebrouch 9dam 3inya
Mouchkil machi bnadm yghlet
Mouchkil houwa bnadm yghlet w yb9a kmal m3a rassou chad dad
Denia mti7an ta7ed fiha makaml
Bach tkml fiha khassk t3rf kifach t3aml
Mn nhar mab9itch tanchouf
3reft bli wlit tanchouf ch7al man 7aja 3ami 3liha hadak li taychouf
3reft b 7a9 l 3a2ila makhassch natfar9o
Wma7adna f denia 3la l khir khassna ntssab9o
Ymken 3reft had chi m3atel w ymken fat lfout
Lmohim 3reft bli ghalet w baghi nweli 7ssen
Lga3 li taychouf b lbssér w 3ma l bssira
Bghit ngoulou bli denia dayza w l 7yat 9ssira
Tayb9a l ma39ol mnin tay7ayed décor
Finhouma li galou khouti wakha bla dém ?
Mn be3d 3am mab9itch 3la l3ma nadem
7it 3ref kayne klab yweriwk tri9 7ssen mn chi bnadem