Salam - سلام

[المقطع الأول]
صعب إني أقول كده بس لازم يحصل
ما ببصش للنتايج، أنا مش إحصاء
أنا عايش جوا عالم مليان حاجات غلط
فمتقوليش إنت هايف عشان عايز إقصاء
قاعد، مختلف مع نفسي
شادد أجزائي، معيش تفسير
حابس أنفاسي، بسيح وقتي
تعالى وإصلبني لإني مسيح وقتي
بس للأسف محدش حاسب إني سقفي تالف
وإني صعبي خايف مني، صابعي واقف
جسمي صهد والع، هما شخص واحد
بس، مش شايف
لأن صعب أحاول إن أشوف إختلاف
حقل جاحف بينتج أموات
فاسيبني أجازف وأدوس على الزناد
لأن سجني زائف، ملوش أي باب

[المقطع الثاني]
حبس نفسه جوا سجن وخايف يطلع منه
قتل نفسه بقوة بسن، السن ده كان جسمه
لأن مفيش سنس في العالم، مفيش أي منطق
‫مفيش سِم في لجامك فمتختلقش الـ Concept
ممكن عقلي محتاج إنه يتصفى بطبنجة
ما تضحكش بصلي، أنا داخل هنا بضمانتك
بس جهلي خلاك تستقصد عشان المنظر
ما تفرحش مش هنتهي بس أنا لازم أتفجر
وهصحى من تاني بس كا بني آدم جديد
إيد فيها كماني والتانية ماسكة كتاب تجويد
بتحول في ثواني لبليز باسكال ومعايا حديد
بضغطة في مكاني (إبليس مهلا متنقذنيش)
عشان أنا محتاج أموت مؤقتا على الأقل
السواد جوا جسمي مصفداً بالفشل
عقلي تالف، عقدي فاسخ، مفعماً بالأمل
أنا مش آسف لإني سافف القوافي بدون خجل
مش مكسوف لإني مش محبوس ولأول مرة
أمي مش هتحبسني في أوضة النوم عشان قطعت صورها
محدش هيحاسبني، أنا مسؤول عن كل حاجة بتحصل
فأنا هقوم أقتلني عشان لما أموت إنت مش هتنسى
أعباء بتتقال عليا
أوثان بتتقاتل حواليا
ألوان بتتاكل
كان عندي إله بس إتاخد
جوايا إجابات بس تاهت
عنيا سواد بس داخت
في لساني أوزان أنا تافف
في وداني شيطان بيتشاهد
فإسمعني كويس جداً عشان مفاضلش كتير
أنا لو هعيش في كدبة صدقني مش هموت صديق
فأنا مش محتاج لسبحة عشان مبقاش زنديق
قدامك أنا نفس وسخة بس مش بعبد شياطين
فحاول تقتنع باللي بقوله ده ولو سيكا
أنا هموت مقتول عشان بس أعيش في المزيكا
بس مش هفنى، هتلاقيني بعود تاني زي جيسس
كأني أفعى، بديك سِم الخلود فتموت فيها
أبوس إيدك، بطل تبني كل اللي هديت
جوا كنيسة، بعيط وبخبط دماغي في الحيط
كأني جون سينا، في عنيا محدش شايفني
‫فوق بيزا، بعدله بقوافي مشحونة بالـ Hate
ويت، العالم ده أشبه بتعبان وأنا السِم
فمتعتقدش إن حياتك هتطلعلك تبتسم
جوا صندوق متلثم، بخبط في عقلي المتمثل
في سجن ولسه متمسك بالعظمة بس مش هكذب
‫الحياة دي Bitch، مش هتحس إلا وإنت بتموت
الثوابت جسم بيدفس في حياتك هدوء
‫وأنا هدوء Less
‫Oh shit، مفيش أي ثوابت
‫معروف بإسم Moses
مسيح جوا جامع
فلحد ما دمي يتصفى عايزك متنساش
إن الكدمة هتيجي في وشك عشان صفك كان تعبان
مفيش صدف، وأنا بتصفد بقولهالك لازم تفهم
أنا سوء وصف للإله عشان بفطس من شكل السبحة
شايف أنبيا بتتشنق وملايكة بتموت من الخوف
في أوعية بتتملئ وبتفضى بدون ما بتعمل صوت
حاسس بالندم، أنا حاسب الأذى اللي هاخده وبس
كاتم الأسف، أنا خاضع للأسف بتنفس نزف
عقلي تايه في الخيال، جسمي متقطع بأمواس
هقتل عيلتي وأنتحر بالضبط زي كريس بنوا
ولما هصحى، مش هلاقي عقلي التالف دا
الملايكة بتصوت في ودني كأني بجيب الصخر بالواد، اللعنة

[الخاتمة]
آسف طولت عليك، كفاية لحد كده كلام
الجنة مش هتسيعني طول ما جوا جسمي كثف سواد
لو بتسألني هعمل كده ليه، جلداً عشان أخد ثواب
كل اللي فات من وحي عقلي إنما اللي جاي بجد، سلام