Gowa 3aa’li III - جوا عقلي ٣

[المقطع الأول]
تخيلني قاعد في أوضة ومتكتف
مليانة شخبطة عن طفل بيتأسف
الإضاءة خافتة، مافيش أي مهندس
الحاجات دي مقتل، ماما مش وقتك
بلاش تخشي جوة عقلي أنا بحاول
بلاش تزعقي عشان خاطري، أنا آسف
بلاش تقوليلي إني فاشل، أنا عارف
مش هنام وأنا واقف، كنت بس بتاوب
كنت بس بتحارب، أو آسف أنا ألدغ
الناس دي بتحاول تقتلني بغبائها
كل مرة بتكلم بحس إني مادة للسف
ووه، الحاجات دي مش سهلة
الحاجات دي في المتحف بتخليني عظيم
بس في العالم ده لا بتخليني مافيش
‫لأن في دماغي في لافتة بتقولي "إنت مين؟"
ومش طبيعي كل ما أسأل الإجابة بتزيد إسم
حاسس إني بسيح، نفسي أبيد جسمي
محبوس جوة كيس شيبسي، شيء نسبي
‫مافيش Let's Be عشان هكون أنا
هموت وأسيب كتفي يعبدوه وثن
وسط الطوب جبل، ده جزء بس
‫وسط هدوء النفس في Ghost مسخ
بيبصلي بعيون، جوة مني سهم
قالي هما فاسدين عشان حسن النسخ
عشان بطئ الوقت هحاول أنجزك
فحط اللحم قدامي هثبتلك
إن الظلم سهل والحياة بنت وسخة
ومش هتفك النحس إلا لو بقيت كده

[المقطع الثاني]
آسف، كان لازم أصدمك
فاشل بس مش هقتلك
التعليم بيإذيك وإنت في صيدلة
ما تضحكش عليهم، دي مش موهبة
شوفت إزاي كلنا بنغلط
من جوة عقلي إتنين وإنت لسه بتسقط
أنا ممكن أخليك تعيط دلوقتي
لو إتكلمت شوية عن شكل جسمك
عن نفسي لسه مش حابب آذيك
بفهمك بس الدنيا ماشية إزاي
‫هخبي إسمك، قولهم "موسى"
ومالكش دعوة، سيبني أتكلم في اللي جاي
بس، مش خايف من حاجة
الناس مش بتموت من نفسها
الكاش مش بيقول هننام ساعة
الفاس نفسه يدوق طعم دماغك
الناب مش هيدوب من أمثالك

[المقطع الثالث]
اليوم كان طويل بس مش أطول من بالي
العالم حلو وجميل وكده، طول ما إحنا في دماغي
طول ما إحنا ثواني، بنعدي ومافيش أي منطق
ثواني وهكون بعيط بس هعملهالك على شكل مامبل
بص في عنيا هتلاقي بياض، بس جوايا إسود
قولتلهم إن إحنا عايشين في السما، قالولي إثبت
قالولي إمسك الموس ده وقطع، جايز تفضل متلزق
حسيت إن أنا محتاج إني أبطل، بس مين هيصدق؟
العلامات دي جوة جسمي بتعلم
بتخليني مش خايف أتألم
بتدفيني لو جسمي بيتلج
بحس بالطاقة، أنا جسمي بيتجدد
ولسه بستحمل بس مش لازم أكون ملاك
قدام الناس أنا ساكت بس بقول كلام
طول حياتي وأنا خايف وبتوه عشان
طفل هادي منبوذ ومالوش مكان
ملعون أمان الناس دي
لو مخزون سواد في دماغي
مطلوب إني أكون جبان بالتالي
الخوف بيكون إنسان بشيب تاني
وبيبص في عنيا ولساني واقف
‫بعيط في الحمام بس لساني Savage
بشد مواس فحسناتي زادت
بتف كلام عشان أفضل عايش
بائس، مش شايف العالم حلو
ده صاحبي للآسف مش سابق سنه
كلهم بيقولوا إن هما شياطين
وهو في هدوئه والشيطان جوة منه

[المقطع الرابع]
بس هو بيخاف يقول
هو بوقه مقفول عشان نام مقتول
بيضحك على طول وبلاش فضول
تسمعها عشان كان مات مشنوق
آسف، بهزر معاك، ما ماتش مشنوق ولا حاجة
بس كان عايز يكون إنسان، لقى نفسه شماعة
الناس دي كلها بتقوله "إنت السبب"، لقى نفسه بلاعة
كله بيسيب زبالته جواه بعدين يطلب منه ينساها
إزاي؟ مش فاهم بس لازم يتعود
مش لازم يجود ويحس بالعظمة
لازم يدود، الناس مش بتموت
الناس دي بتكون جواك كذا شخص
وكل ما يزيدوا بيزيد غضب
كل اللي في إيده مافيش صنم
جزء في صويته مالية الصدى
عشان كده بيسمع نفسه وحزين طبعا
للآسف حياتي ملخبطة
ما تضحكش عليا لأخبطك
جوة عقلي مفيش إلا مخاط فقط
عشان كده مسحول ومش عارف أطلع

[المقطع الخامس]
تخيلني قاعد في مكان فاضي
عقلي بيبوظ، السواد طاغي
الثواب صافي لو نجيت من كده
الزوال ماضي بس في كثف سواد
باقية جوايا ومافيش
حد فوق ينقذني من الفيل
"‫في عقلي صوت بيقولي "إلغيه
‫قالي هو الـ O وأنا الـ V
بحاول أتغلب على العجز بده
بحاول أتكلم فبكتبلك
أنا طفل وشيطان وكهل بدقن
كنتي أحلام دفنتك
فمش هحتاج إني أتكلم، هحتاج أغني
مش هحتاج إني أحتاج لإني مش محتاجني
هحتاج بس أنام عشان أحلم بنفسي
وأنا ملك بحكم كل الناس جوا عقلي

[الخاتمة]
OV