Reyah El Hayah - رياح الحياة

[المقطع الأول]
تهبي يا رياح الحياة
دايماً بما لا أشتهيه
واللي السنين مقدماه
غير اللي قلت نفسي فيه
يلاقي قلبي فين دواه
واللي آذاه أقرب ما ليه
ده جرح بيعلّم
وصعب تسكن الآلام
وأخرج من اللي فات سليم
وصعب لمّا أروح أنام
ما أفضلش أراجع القديم
طلع مُكلّف العلام
وخدت درس في الصميم
ولسه بتعلّم

[المقطع الثاني]
ركز يا قلبي في اللي جاي
وألف شكر للي باع
ما صانش حتى بوق شاي
سلام يا ٣٠٠ وداع
واللي لقانا ما يساعوش
فخانة الوداع تساع
مشاعرنا مش لعبة
ما تنشغلش باللي فات
خليك يا قلبي في المفيد
كبر لأي ذكريات
ركز وبس في الجديد
لازم نقسّم الخانات
بمين قريب ومين بعيد
الحسبة مش صعبة

[المقطع الثالث]
فرحت من الساعات ساعات
ودقت من الحاجات حاجات
وعشت من السنين سنين
ونابني من اللي فات فتات
ومن الحبيب جواب حزين
وأسئلة بلا إجابات
حيرة ورا حيرة
حتى السعادة يوم ويوم
حتى المحبة خد وهات
وكله كوم وكومي كوم
زمن بيرمي إفيهات
وزي عادتي أصوم أصوم
وأسد جوعي ذكريات
وأفضها سيرة

[المقطع الرابع]
آخرتها يا زمن عنيد
كله سبق وأنا الوحيد
اللي مشيت ورا سراب
واللي بدأت من جديد
الكل شاف اللي وراه
حاسبت أنا ع المشاريب
لوحدي كالعادة
مش باقي غيري في المكان
مش باقي حاجة من اللي كان
مش باقي غير وجع زمان
وهمس ذكرى في الودان
طاوعت حظي لما قال
إصبر لكل شيء أدان
يا حظ ما تأدن

[الخاتمة]
مش باقي غيري في المكان
مش باقي حاجة من اللي كان
مش باقي غير وجع زمان
وهمس ذكرى في الودان
طاوعت حظي لما قال
إصبر لكل شيء أدان
يا حظ ما تأدن