Merayat - مرايات

[اللازمة]
مرايات والصورة عكس الصورة
عمري في المرايات
وسنين جوّة صورة
وشريط ذكريات

[المقطع الأول]
وشكلك الملخبط
وعقلك لما خطط
يتنطط قلبك يزقطط
‫لما قالتلك "حبيبي"
أحلامك مش مقاسك
لأ دي أكبر نمرتين تلاتة
عكس إتجاهك ماشي وإنت مش خايف كالعادة
مجنون، معجون بمية العفاريت، محبوس
مستني لحظة حظ ينفتح فيها الفانوس
أيام ما كنت تقدر تنام ٨ ساعات
وتعدي ليلة كاملة من غير ما تشوف كابوس

[اللازمة]
مرايات والصورة عكس الصورة
عمري في المرايات
وسنين جوّة صورة
وشريط ذكريات

[المقطع الثاني]
كابوس إسمه "الفلوس" عمال يدوس
ياما فرّق حبايب وياما غير نفوس
خلاك تشوف للدنيا وش مش عامل حسابه
والواقع غصب عنك بقى يقرا لك من كتابه
حياة تفاوضك، تساومك، وشيء في شيء
تحاوطك، تمضيك تنازل عن كل شيء
ما خطرش يوم في بالك إن الفراق ده فرض
وإن الزمن هيدلق أحلام كتير ع الأرض

[اللازمة]
مرايات والصورة عكس الصورة
عمري في المرايات
وسنين جوّة صورة
وشريط ذكريات
مرايات والصورة عكس الصورة
عمري في المرايات
وسنين جوّة صورة
وشريط ذكريات

[المقطع الثالث]
في الأرض لفيت ودورت شرق وغرب
‫والقلب بيقول "إمتى هنرتاح يا رب؟"
غمضت عينك، فتحت لقيت الشعر شاب
فجأة لقيتك في آخر صفحة في الكتاب
يا أيها الولد ما بقاش فاضل كتير
لو ده اللقا الأخير، أشوفك وشك بخير
هيوحشني لقاك لو بعد ١٠٠ سنة
خد بالك من حبايبك، وأولهم أنا

[اللازمة]
مرايات والصورة عكس الصورة
عمري في المرايات (وأولهم أنا)
وسنين جوّة صورة
وشريط ذكريات
مرايات والصورة عكس الصورة
عمري في المرايات (مرايات)
وسنين جوّة صورة
وشريط ذكريات