Pakisabi

Dumalaw ka na naman sa aking pagtulog
Nakawala ka na naman mula sa sulok
Ng aking isipan ang tanging tahanan
Ng mga alaalang gusto kong malimutan

Alingasaw na naman ang haplos ng tinig
Ng huling mga salitang galing sa iyong bibig
(Oooh) Sampal pa rin
(Oooh) At padiin
(Oooh) Nang padiin
Hanggang sa akoy magising

Hindi makapili ng gusto
Mga mali hindi maiwasto
Hirap na ikabig
Kay daling matabig
‘To ba talaga'ng landas ko

Bibitawan lang naman daw
(Just quit) Para makausad
Ganon lang ba kadali tuldukan
Ang di tapos na pang ungusap

Nakikiusap
Ang damdamin kong nabibingi
Sa mga boses na bumubulong
Pagsapit ng gabi

Walang pinangagalingan
Na katotohanan
Pawang kasinungalingan
Sarili lang ang sinisiraan

Pakisabi naman sakin
Kung saan ba ako hihingi
Ng saklolo ‘pag sarili ko
Ang aking katunggali