你根本不是我的誰 (Zeus) (Ellen & The Ripples Band V Live)

[盧凱彤「你根本不是我的誰 (Ellen & The Ripples Band V Live)」的歌詞]

[主歌一]
每次都要等你點個頭
我才敢 回應 揮個手
Oh 總是在等你一句不錯
我才會 有勇氣 抬起頭

[副歌]
你根本不是我的誰 Oh-oh-oh
卻死纏著我的心扉
你根本不是我的誰 Woo-ooh-ooh
卻總是教我掉眼淚

[主歌二]
我夾著尾巴雙腿在發抖 Oh-oh-oh
你才會 客套地 丟個球 Woah-oh

[主歌三]
朝思和夜盼 躡手又躡腳
不過是想抱一抱
你站在角落 自私地剝落
說不吃這一套

[副歌]
你根本不曾有眼淚 Oh-hoah
對你再好都是白費 Yeah-yeah-yeah-yeah
你到底算什麼人類 Woo-ooh-ooh
你讓我為愛你慚愧

[結局]
然後地球自轉了一周 Oh-oh-Woah
我睡醒 又再為 你守候

[讀白]
Ellen & The Ripples Band。

我覺得，哇，真係，其實最幸福嘅莫過於寫完嘅歌可以交响最犀利嘅樂手手上去幫我演繹出嚟。我想逐一介紹我哋對band，好唔好呀？

彈bass嘅有Fergus Chow！除咗有紋身之外，佢亦都係一位名監製嚟嘅，哈哈。佢係薛凱琪同埋吳雨霏嘅監製，兩位當紅嘅女歌手嘅監製。

重有我......我要好感謝呢一位仁兄，因爲其實雖然我哋夾band夾咗好多年，因爲由at17到而家都一路有夾band，但係真係到到呢兩......呢兩年我哋先至有一種喺編曲上好神奇嘅合作。噉有好多誒，你聽誒，盧凱彤嘅新碟啦，啫係「Riding on Faith」裏面嘅誒，錄音啦，包括「燈下黑」同埋「囂張」，重有上兩張唱片，其實好多都係由黃偉勳打鼓同埋佢去諗嗰套鼓點樣打呀，其實個結構係好緊要㗎。

重有呢個，其實我對佢又愛又恨，因爲佢......佢彈得好好，但係我好唔想用佢因爲佢太瘦，影得我好肥嘅結他手Mike Orange，哈哈哈哈哈。同埋，我哋都係，啫係我識到呢個朋友係我呢兩年嘅福氣嚟㗎，因爲我哋除咗啫係音樂上之外，其實喺生活上，或者好多理念上，好多嘢佢都......都係佢教我㗎。佢教我點樣去堅持自己做嘅音樂，堅持錄音嘅時候就算好辛苦好辛苦，都要錄到自己想要嘅嗰個理想版本爲止。所以，呢個人做嘅任何嘅art work或者作品大家一定要留意，尤其是Chochukmo九月就要出碟啦，哈哈哈哈哈哈。

重有三位靚女係新加入㗎。誒，第一個要介紹嘅就係on keyboard同埋violin同埋手風琴嘅Janet，Janet Yung 翁瑋盈。其實誒，「你 安安靜靜地 躲起來」成張專輯有五隻歌有strings都係佢拉哂，一個人。

今次係我第一次有和音呀，哈哈。重要係好犀利嘅兩個女仔幫我做和音，就有岑寧兒，Yoyo，同埋Cherrie，兩個都係專業和音團。同埋Yoyo都出咗兩隻single㗎啦，兩隻啊呵？我哋好期待你嘅專輯呀喂。

最後呢個其實就唔使介紹嘅，但係詐假意都講吓啦，哈哈哈。Emm，點講好呢？蔡德才呢，喺我，啫係我所有嘅歌佢都話「呣，幾好呀。」哈哈哈哈。同埋有時錄音錄到好沮喪嘅時候，個人成日好容易冇自信㗎嘛，噉佢又話「誒，飲杯咖啡啦。」「誒，我哋上YouTube睇吓有啲咩其他嘢睇呀。」哈哈哈。誒，其實做音樂呢係離唔開生活㗎。如果我嘅生活唔可以過得堅強嘅話，我嘅音樂都唔會。而呢個人除咗令到我嘅音樂好堅強之外，佢令我過嘅日子都可以越嚟越堅強，多謝佢。

哼，紙巾rocker嚟㗎嘛。