Mia liber’

[Teksto de "Mia liber'" ft. Jacques Yvart]

[Strofo 1]
Mia liber'
Mi longe ŝirmis vin
Kiel juvelon raran
Mia liber'
Vi ĉiam helpis min
Al fuĝo trans la mar'
Iri for kun obstin'
Iri for ĝis la fin'
De l' vojoj de fortuno
Por pluki en sonĝad'
Rozon de serenad'
Sur radio de luno

[Strofo 2]
Mia liber'
Ĉar vin tro amis mi
Ne plu obeis la anim'
Al vi liber'
Ja ĉion donis mi
Kaj ĉiam kun obstin'
Kiom suferis mi
Por akcepti de vi
Ĉiujn viajn postulojn
Jen mi en nova land'
For de amikoband'
Por gajni vian fidon

[Strofo 3]
Mia liber'
Per vi venis la fin'
De ĉiuj la kutimoj
Mia liber'
Pro vi ĝuadis mi
Solecon ĝis kulmin'
Vi ridetigis min
Kiam ekis la fin'
De bela aventuro
Vi eĉ protektis min
Kiam kaŝiĝis mi
Por flegi miajn vundojn

[Strofo 4]
Mia liber'
Mi tamen lasis vin
En nokto de decembro
Forlasis mi
La vojojn plej marĝenajn
De ni du elektitajn
Kiam jen sen diven'
Per ligilo kaj ĉen'
Iĝis mi sen rezist'
Kaj perfidis vin jam
Por prizono de am'
Kun bela gardistin'
Kaj perfidis vin jam
Por prizono de am'
Kun bela gardistin'