Ma Tezaal Mennee - ما تزعل مني

[المقطع الأول]
شو كان سهل عليّ إني فل
بس إخترت إني أبقى كرمالك
وقت اللي كلن فلوا وتركوك
لإني بحبك
ولإني وعدتك إني بكل الأوقات
بالإيام السودا وبكل الإيام
رح إبقى حدك ولو مهما كان
ما في شي بيعنيلي غير إني عيش
بوطني اللي رسمته ببالي
صورة حلوة، حلم كبير
إهرب إتخبى فيه
وطني الغنية
لو تعرف شو صليت وإتمنيت إنه يصير
ما عاد فيّ كفي بحبسي الكبير
إخترت الحرية، بدي التغير

[اللازمة]
ما تزعل مني يا وطني
إنت بتعرف ما مرة تركتك
بأسوأ أيامي
بجنون حياتي
بقيت على وعدي
ما تبعد عني

[المقطع الثاني]
بزعل ع حالي، بزعل عليك
أنا وفيك وحاسة بالغربة
ما بتستاهل هالبشاعة اللي عمتلها بإيديك
إنت الطفولة
والسما الزرقا بيتي والخير اللي كان
الإيام الحلوة، أهلي والجيران
والضحكات اللي صاروا نسيان
شو بقول لأولادي اللي حلموا فيك
كذبت عليّ وما كنت
وطني اللي بيشبهني وبلاقي حالي فيه
بكرة بيكبروا بدورن بفلوا على وطن جديد
يغمرهن ويكبر حلمن فيه
لو مهما كان هالوطن بعيد
ما تزعل مني يا وطني

[اللازمة]
ما تزعل مني يا وطني
إنت بتعرف ما مرة تركتك
بأسوأ أيامي
بجنون حياتي
بقيت على وعدي
ما تبعد عني

[جسر]
يمكن حكيت كتير
بس كان لازم قلك كل اللي بقلبي
ما بدي منك إلا إنك تسمعني وتصدقني

[الخاتمة]
ما تزعل مني يا وطني