M’arricordo e Te

[Testo di "M'arricordo e Te" ft. Raiz]

[Strofa 1: TROPICO]
I' nun t'aspetto pecché tanto 'o saccio, sî fatta accusì
L'ammore è comme na jastemma e 'a gente nun te pò capí
Sî furtunata che 'e pparole nun so' niente
E che 'e prumesse so' capille dint'ô viento
Sî bbella comme nu ricordo e doce comm'a na bucia
Nun so' maje state na guagliona comm'a ll'ate
Cu chella 'nziria 'ncuollo 'e se vedé spusate
Pure p''e rrose passa 'o tiempo e 'o tiempo è fatto pe ferní

[Pre-Ritornello: TROPICO]
Ma nn'ce sta nisciuno ca te vò bbene
No, comm'a mme, penzo che 'o ssaje
Ca nn'ce sta nisciuno ca pe'tté mmore
Sulo pe'tté, penzo che 'o ssaje

[Ritornello: TROPICO]
Ll'ate nun ponno capí
Ca i' sulo pe parlá, sulo pe te vedé
I' me facesse accidere, sulo pe te vedé
E i' nun 'o voglio capí
E nun ce pozzo stá ca mo nn'te pozzo cchiù avé
I' me facesse accidere e t'accidesse cu'mmé
I' m'arricordo 'e te, i' m'arricordo 'e te
I' m'arricordo 'e te, m'arricordo 'e te, i' m'arricordo sempe

[Strofa 2: Raiz]
Pe quantu tiempo se pò fá 'sta vita senza maje cadé
Pe quantu tiempo pozzo stá cuntento senza te vedé
E n'ata notte n'atu strunzo dint'ô lietto
Ca nun me va cercanno manco na carezza
Quando nun saje cchiù addò sbattere 'a capa, tu staje 'mbraccio a mme
E si ce penzo, cu'mmé nun hê fatto ammore maje
C'annascunnemmo sulo pe nu paro d'ore
'A ggente me chiamma "puttana" è vecchia, nn'sanno 'o core che d'è

[Pre-Ritornello: Raiz]
Ma nn'ce sta nisciuno ca te vò bbene
No, comm'a mme, penzo ch''o ssaje
Ca nn'ce sta nisciuno ca pe'tté mmore
Sulo pe'tté, penzo ch''o ssaje

[Ritornello: TROPICO & Raiz]
Ll'ate nun ponno capí
Ca i' sulo pe parlá, sulo pe te vedé
I' me facesse accidere, sulo pe te vedé
E i' nun 'o voglio capí
E nun ce pozzo stá ca mo nn'te pozzo cchiù avé
I' me facesse accidere e t'accidesse cu'mmé
I' m'arricordo 'e te, i' m'arricordo 'e te
I' m'arricordo 'e te, m'arricordo 'e te, i' m'arricordo sempe
I' m'arricordo 'e te, i' m'arricordo 'e te
I' m'arricordo 'e te, m'arricordo 'e te, i' m'arricordo sempe