L7olm - الحلم
Muslim - مسلم * Track #6 On Mor Ssour
Download "L7olm - الحلم"
L7olm - الحلم Lyrics
[اللازمة] (X2)
تهز و وقف ، اجري و خفف
الطريق باقة طويلة و الماجي محهول
خرج من الصف و عري لكتف
الحلم غير حلامة إذا بقيتي مفشول
[المقطع الاول]
إذا عندك حلم غير ازدم
توكل و عزم
خدم ، عري على دراعك جري دور فيك الدم
الوقت الخاوة ما يرحم
لازم تفهم بلي الفشل سم
بلي العام كيف الشهر كيف قسم
و ما تبقاش غير تحلم
حيت الحلم لي ما يتحقق كابوس ماشي حلم
ضروري عتضحي ضروري عتغامر
و إذا كان القلب رهيف التالتة غتكون زاتم
شوف للقدام و الفوق
نسى التحت و اللور ، نسى ظلام الليل و سابق مع الشروق
الحلم كاين فغدة ، غدة دايما قريب
و إذا بقيتي فاليوم شمسو موحال تغيب
شوف بعيد تلحق لقريب و تزيد
و القلب حديد و العقل يكون جديد
و باش توصل لازم تحصل
و ملي تحصل راجع حلمك لاين باغي يوصل
[اللازمة] (X2)
[المقطع الثاني]
ملي طيح نوض
عاود نوض ملي طيح أوقف و كمل
و كون مع راسك صحيح
الحلم ديالك ماشي ساهل تعيش غير باش تحققو
إذا كان يستاهل ، الحقو
إذا كان العكس ، فارقو
حيت راه بعيد
و البعد طريقوا مكرفسة
يمكن تضحي بسنين و دروبة باقة مسلسلة
صبر عشيري ، تمرميدة غتنسى
باش ملي توصل التكرفيسة عمرا تنسى
الدورة دايرة و باقة تزيد ادور
الحياة ماشية طايرة و ما ترجع للور
إذا عكلتي على درجة عرف باقي كاين السور
الحلم يتسمى حلم حيت بعيد و مغرور
انت لي كاتحلم
و انت لي غتخدم
هو عليه اتسناك و إذا فشلتي غيزتم
ذراعك فكتفك و ديما عليه معول
الحلم إذا خانك عاود الحلم ماللول
[اللازمة] (X2)
[المقطع الثالث]
كانشوفك مردد بالفشل مهدد
و مغدد حتى شي طريق ما محدد
مدد الهدف بغرضك و سدد
الحلم باقي بعيد
و الوقف مقدد
و جري ...هذي ماشي ساعة الراحة
الزمان فحال لبحر ما مربي الكبدة على سباحة
لاش صالح الحلم إذا كان غيبقى غير حلامة
حسن ليك فيق من أحسن بدل هاد لفهامة
كلشي واضح باين ناقصك غير الزعامة
لبحور تبغي قوامها و أي حوتة عوامة
أي واحد شفتيه واصل راه بادي من الزيرو
وصل حيت واصل وما فرط فالستيلو
إذا باغي تحقق حلمك حطو بغرض عينك
شوف فين مزيان و عقل اليومة فيانك
غدة يبان ليك قرب بعدو يبان قريب
زيد للقدام و جرب و خلي الماضي يريب
[اللازمة] (X2)
[الخرجة] (X2)
فهمتيو الخاوة ديالي ؟ الحياة بلا حلم الحياة ميتة
ضروري يكون عندك هدف عايش عليه
إذا صبرتي عتلحقو نشا الله
ضروري تتكرفس تتمرمد عادي ، راك راجل
و الحلم إذا لحقتيه بسهولة ما عندو حتى قيمة
خدم و كافح و ما يكون غير الخير نشا الله
إذا بارك ربي فلعمر ، و ما تفشلشي
وخى تجيك البداية صعيبة كمل
حتى إذا طحتي نوض و راجع حسابك علاش طحتي
عتجبر الغلط و ما تعاودوش مرة أخرى
و لازم قتال توكل على الله و الخاوة ديالي
و ازدم ، كفاح حتى الكفن
L7olm - الحلم Q&A
Who wrote L7olm - الحلم's ?
L7olm - الحلم was written by Muslim - مسلم.
When did Muslim - مسلم release L7olm - الحلم?
Muslim - مسلم released L7olm - الحلم on Sat Aug 16 2008.